ДЗЯРЖОРГАНЫДЗЯРЖОРГАНЫ
Аўторак, 22 верасня 2020
Мінск Ясна +14°C
Усе навіны
Усе навіны
Эканоміка
06 жніўня 2020, 10:19

Мінфін Беларусі рыхтуе першае крэдытнае пагадненне з Фондам АПЕК

Фота з архіва
Фота з архіва

6 жніўня, Мінск /Кар. БЕЛТА/. Міністэрства фінансаў Беларусі плануе прыцягнуць у гэтым годзе ад Фонду АПЕК $20 млн для барацьбы з COVID-19, паведаміў журналістам намеснік міністра фінансаў Андрэй Белкавец, перадае карэспандэнт БЕЛТА.

"Рыхтуецца здзелка з Фондам АПЕК. Гэта наш новы крэдытор, з якім мы раней ніколі не працавалі, але які з'яўляецца для нас вельмі важным з пункту гледжання будучых перспектыў дыверсіфікацыі крыніц запазычанняў", - сказаў Андрэй Белкавец.

Фінансаванне будзе выдзелена на барацьбу з каранавірусам, але гэтыя рэсурсы не з'яўляюцца звязанымі. За кошт гэтых сродкаў бюджэту будуць кампенсаваны раней панесеныя расходы на барацьбу з пандэміяй.

"$20 млн - гэта першы транш, сума можа быць пашырана да $50 млн", - адзначыў Андрэй Белкавец.

Раней Беларусь прыцягнула на барацьбу з каранавірусам 90 млн еўра ад Сусветнага банка. Як растлумачыў міністр фінансаў Юрый Селіверстаў, гэтыя сродкі паэтапна кампенсуюць расходы бюджэту на барацьбу з каранавірусам. "Таму тое, што COVID-19 сціхае, а грошы толькі прыходзяць, як раз у гэтым плане нармальная сітуацыя. Гэтыя сродкі дапамогуць замясціць раней выдзеленыя з бюджэту сродкі", - растлумачыў ён.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі