13 снежня, Мінск /Кар. БЕЛТА/. Своечасовыя кіраўніцкія рашэнні паскараюць выхад прадпрыемстваў на стабільную работу. Аб гэтым заявіў намеснік дырэктара Дэпартамента па санацыі і банкруцтве Станіслаў Садоўнікаў, выступаючы з лекцыяй у рамках павышэння кваліфікацыі і падрыхтоўкі прадстаўнікоў дзяржавы ў органах кіравання акцыянерных таварыстваў, паведамілі БЕЛТА ў прэс-службе Мінэканомікі.
Станіслаў Садоўнікаў выступіў у Беларускім дзяржаўным эканамічным універсітэце і Цэнтры павышэння кваліфікацыі кіруючых работнікаў і спецыялістаў сістэмы Дзяржкаммаёмасці. Паводле яго слоў, ад удзелу міністэрстваў, канцэрнаў і выканкамаў у кіраванні дасудовым і судовым аздараўленнем у першую чаргу залежыць поспех у папярэджанні крызісу на прадпрыемствах і аднаўленне нармальнай работы ў ходзе судовага разгляду справы. Такі ўдзел дзяржаўных органаў забяспечвае развіццё асобных рэгіёнаў і абласцей у цэлым, у тым ліку ўзровень даходаў і занятасці мясцовага насельніцтва.
У сувязі з гэтым праектам закона "Аб урэгуляванні неплацежаздольнасці" пашыраецца зона адказнасці галіновых органаў і выканкамаў у частцы антыкрызіснага кіравання падведамнымі дзяржаўнымі прадпрыемствамі і акцыянернымі таварыствамі з доляй дзяржавы ў статутным фондзе.-0-