ДЗЯРЖОРГАНЫДЗЯРЖОРГАНЫ
Флаг Панядзелак, 6 лютага 2023
Мінск Суцэльная воблачнасць -5°C
Усе навіны
Усе навіны
Эканоміка
08 снежня 2022, 09:04

Мінэканомікі расказала, за кошт чаго будзе расці экспарт у 2023 годзе

Фота з архіва
Фота з архіва

8 снежня, Мінск /Кар. БЕЛТА/. Першы намеснік міністра эканомікі Юрый Чабатар расказаў, за кошт чаго будзе расці экспарт у 2023 годзе, выступаючы з дакладам аб рабоце эканомікі ў 2022 годзе і прагнозе на 2023 год на пасяджэнні Савета Саюза некамерцыйных арганізацый "Канфедэрацыя прамыслоўцаў і прадпрымальнікаў (наймальнікаў)", паведамілі БЕЛТА ў прэс-службе Мінэканомікі.

Ключавая задача ўрада - выйсці на вектар, зададзены пяцігадовай праграмай, забяспечыўшы ў 2023 годзе ВУП на ўзроўні 103,8 працэнта. Адна з крыніц росту - экспарт тавараў і паслуг. "Ён плануецца на ўзроўні 105,5 працэнта, або $48,9 млрд. Прырост у памеры $2,6 млрд будзе забяспечаны за кошт паставак у Расію, на рынкі Азіі і Афрыкі, пашырэння супрацоўніцтва з Кітаем. Задачы па экспарце будуць забяспечаны мерамі падтрымкі. Захоўваем фінансавыя інструменты - указы нумар 534 і нумар 466. Пачнуць працаваць механізмы ўказа нумар 412 у частцы падтрымкі сертыфікацыі вытворчасці харчовай прадукцыі. Аб'ём экспартнага крэдытавання перасягне Br4 млрд", - сказаў Юрый Чабатар.

Ён таксама звярнуў увагу на тое, што апорная кропка развіцця эканомікі - нарошчванне інвестыцый. Іх аб'ём у 2023 годзе павінен скласці не менш за Br46,8 млрд. Асноўныя напрамкі інвесціравання - жыллё і інфраструктура да яго (Br8,6 млрд), інфраструктура ў рэгіёнах (больш за Br7 млрд), рэалізацыя інвестпраектаў і тэхнічнае перааснашчэнне прадпрыемстваў (Br31,2 млрд). "Адначасова будзем ствараць спрыяльныя ўмовы для інвестыцый. Сярод ключавых мер: увядзенне інстытута спецінвестдагавораў, а таксама інструментаў дзяржаўнай фінансавай падтрымкі пры рэалізацыі інвестпраектаў", - адзначыў першы намеснік міністра.

Дасягненню важнейшых параметраў прагнозу будуць садзейнічаць стабільныя ўмовы вядзення гаспадарчай дзейнасці. "У 2023 годзе базавая арэндная велічыня плануецца на ўзроўні Br16,9. Стаўка ПДВ захоўваецца на ўзроўні бягучага года. Дзяржава прадоўжыць мінімізаваць адміністрацыйную нагрузку на бізнес. У электронны фармат плануецца перавесці не менш за 100 адмінпрацэдур", - дадаў Юрый Чабатар.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі