4 жніўня, Мінск /Кар. БЕЛТА/. Пры банкруцтве прадпрыемства зарплата работнікам павінна быць выплачана гарантавана. Аб гэтым на рабочай нарадзе, арганізаванай Дэпартаментам па санацыі і банкруцтве, заявіла намеснік міністра эканомікі Таццяна Бранцэвіч, паведамілі БЕЛТА ў прэс-службе Мінэканомікі.
У анлайн-сустрэчы прынялі ўдзел кіраўніцтва тэрытарыяльных органаў па санацыі і банкруцтве і антыкрызісныя кіраўнікі. На парадку дня стаяла пытанне прыняцця дзейсных мер, накіраваных на выплату завінавачанасці па заработнай плаце ў арганізацыях-банкрутах. Як заявілі ў прэс-службе, удзельнікі нарады дэталёва прапрацавалі крыніцы для пагашэння такой завінавачанасці па кожнай з 12 арганізацый, адпрацавалі парадак і тэрміны іх рэалізацыі.
"Заработная плата павінна быць гарантавана выплачана работнікам. Незалежна, на якой стадыі банкруцтва ў гэты час знаходзіцца прадпрыемства, неабходна разлічыцца з супрацоўнікамі. Трэба шукаць шляхі і варыянты выплаты. Прааналізаваць сваю рухомую і нерухомую маёмасць, дэбіторскую запазычанасць і не расцягваць гэты працэс на доўгія месяцы", - заявіла Таццяна Бранцэвіч.
Па выніках сустрэчы намеснікам міністра эканомікі па кожнай арганізацыі было дадзена канкрэтнае даручэнне па рэалізацыі мер, накіраваных на выплату завінавачанасці па заработнай плаце.-0-
