11 лістапада, Мінск /Кар. БЕЛТА/. Міністэрства эканомікі ўпаўнаважана на правядзенне перагавораў з Кітаем аб тэхніка-эканамічнай дапамозе. Адпаведная пастанова Савета Міністраў нумар 764 ад 10 лістапада 2022 года афіцыйна апублікавана на Нацыянальным прававым інтэрнэт-партале, паведамляе БЕЛТА.
Савет Міністраў адобрыў праект пагаднення паміж урадамі Беларусі і Кітайскай Народнай Рэспублікі аб тэхніка-эканамічнай дапамозе ў якасці асновы для правядзення перагавораў.
Міністэрства эканомікі ўпаўнаважана на правядзенне перагавораў па праекце пагаднення, пры неабходнасці ведамству дазваляецца ўносіць у яго змяненні, якія не маюць прынцыповага характару. Таксама Мінэканомікі мае права падпісаць пагадненне пры дасягненні дамоўленасці ў межах адобранага праекта.
Пастанова ўступае ў сілу з дня яе прыняцця.-0-