Фота з архіва
18 сакавіка, Мінск /Кар. БЕЛТА/. Мінеральных запасаў для прамысловасці будматэрыялаў Беларусі хопіць надоўга. Аб гэтым заявіў намеснік начальніка галоўнага ўпраўлення прамысловасці Мінбудархітэктуры Сяргей Нікіцін, паведамляе карэспандэнт БЕЛТА.
"Прамысловасць будаўнічых матэрыялаў мае невысокую імпартаёмістасць - каля 15-17 працэнтаў, што забяспечвае ўстойлівае развіццё. Мы маем патэнцыял для далейшага павелічэння аб'ёмаў вытворчасці айчынных матэрыялаў. Існуючая структура мінеральных запасаў у Беларусі дае магчымасць забяспечыць прамысловасць будматэрыялаў сыравінай на даволі працяглы перыяд. Калі гаварыць аб будаўнічым пяску, аб пясчана-гравійных матэрыялах, то гэта на перыяд да ста гадоў. Мел, мергель, якія выкарыстоўваюцца ў цэментнай прамысловасці, - да 50 гадоў. Гліна і даламіт - да 200 гадоў", - расказаў Сяргей Нікіцін.
Сёння імпартуюцца тыя віды карысных выкапняў, якія або адсутнічаюць у Рэспубліцы Беларусь, або іх якасць не дазваляе выкарыстоўваць у тэхналогіях вытворчасці, дадаў ён. "Першае месца па імпарце ў нас займае сода для шкляной прамысловасці, далей - гіпсавы камень для вытворчасці цэменту, палявы шпат, у невялікіх аб'ёмах імпартуюцца высакаякасны асветлены кварцавы пясок, парашкападобны даламіт", - адзначыў ён.
У плане імпартазамяшчэння Мінбудархітэктуры працуе ў цеснай сувязі са спецыялізаванымі прадпрыемствамі Беларусі: НПЦ па геалогіі, падведамнай арганізацыяй "Геасэрвіс", рознымі ўніверсітэтамі - БНТУ, БДТУ. Асноўная задача заключаецца ў распрацоўцы тэхналогій здабычы сыравінных матэрыялаў, каб палепшыць іх якасць і ўключэнне ў вытворчы працэс.-0-
"Прамысловасць будаўнічых матэрыялаў мае невысокую імпартаёмістасць - каля 15-17 працэнтаў, што забяспечвае ўстойлівае развіццё. Мы маем патэнцыял для далейшага павелічэння аб'ёмаў вытворчасці айчынных матэрыялаў. Існуючая структура мінеральных запасаў у Беларусі дае магчымасць забяспечыць прамысловасць будматэрыялаў сыравінай на даволі працяглы перыяд. Калі гаварыць аб будаўнічым пяску, аб пясчана-гравійных матэрыялах, то гэта на перыяд да ста гадоў. Мел, мергель, якія выкарыстоўваюцца ў цэментнай прамысловасці, - да 50 гадоў. Гліна і даламіт - да 200 гадоў", - расказаў Сяргей Нікіцін.
Сёння імпартуюцца тыя віды карысных выкапняў, якія або адсутнічаюць у Рэспубліцы Беларусь, або іх якасць не дазваляе выкарыстоўваць у тэхналогіях вытворчасці, дадаў ён. "Першае месца па імпарце ў нас займае сода для шкляной прамысловасці, далей - гіпсавы камень для вытворчасці цэменту, палявы шпат, у невялікіх аб'ёмах імпартуюцца высакаякасны асветлены кварцавы пясок, парашкападобны даламіт", - адзначыў ён.
У плане імпартазамяшчэння Мінбудархітэктуры працуе ў цеснай сувязі са спецыялізаванымі прадпрыемствамі Беларусі: НПЦ па геалогіі, падведамнай арганізацыяй "Геасэрвіс", рознымі ўніверсітэтамі - БНТУ, БДТУ. Асноўная задача заключаецца ў распрацоўцы тэхналогій здабычы сыравінных матэрыялаў, каб палепшыць іх якасць і ўключэнне ў вытворчы працэс.-0-
