20 красавіка, Мінск /Кар. БЕЛТА/. Праект пастановы Міністэрства па падатках і зборах "Аб рэалізацыі Указа Прэзідэнта Рэспублікі Беларусь ад 10 чэрвеня 2011 г. нумар 243" вынесены на грамадскае абмеркаванне, паведамляе БЕЛТА са спасылкай на Нацыянальны прававы інтэрнэт-партал.
Дакумент распрацаваны для рэгулявання грамадскіх адносін, звязаных з укараненнем механізма маркіроўкі тавараў. У прыватнасці, праектам вызначаны склад інфармацыі аб разнавіднасцях тавару аднаго наймення, што падлягае маркіроўцы, якая ўносіцца ў Банк электронных пашпартоў тавараў і перадаецца ў дзяржаўную інфармацыйную сістэму маркіроўкі тавараў, пералік упаўнаважаных складоў і патрабаванні, што прад'яўляюцца да такіх складоў і іх уладальнікаў.
Праектам пастановы таксама прадугледжана зацвярджэнне інструкцыі аб парадку і тэрмінах маркіроўкі тавараў; інструкцыі аб парадку маркіроўкі астаткаў тавараў; інструкцыі аб парадку абароту ўніфікаваных кантрольных знакаў; інструкцыі аб парадку абароту кодаў маркіроўкі, сродкаў ідэнтыфікацыі, абароненых матэрыяльных носьбітаў, абароненых матэрыяльных носьбітаў з нанесенымі сродкамі ідэнтыфікацыі, знакаў абароны, характарыстыках сродкаў ідэнтыфікацыі; інструкцыі аб парадку захоўвання, транспарціроўкі і рэалізацыі тавараў, што падлягаюць маркіроўцы ўніфікаванымі кантрольнымі знакамі або сродкамі ідэнтыфікацыі.
Акрамя таго, праектам устанаўліваюцца патрабаванні па ўнясенні абавязковай інфармацыі ў Банк электронных пашпартоў тавараў па таварах, якія не падлягаюць маркіроўцы на тэрыторыі Беларусі, але падлягаюць маркіроўцы ў дзяржавах - членах Еўразійскага эканамічнага саюза.
Арганізатар грамадскага абмеркавання - Міністэрства па падатках і зборах.
Свае заўвагі і прапановы можна выказаць у спецыяльнай тэме на Прававым форуме Беларусі з 20 па 29 красавіка 2021 года.-0-