ДЗЯРЖОРГАНЫДЗЯРЖОРГАНЫ
Аўторак, 18 лютага 2020
Мінск Воблачна з праясненнямі +7°C
Усе навіны
Усе навіны
Эканоміка
25 сакавіка 2019, 11:23

Масавая сяўба ранніх яравых пачалася ў Беларусі

25 сакавіка, Мінск /Кар. БЕЛТА/. Масавая сяўба ранніх яравых збожжавых і зернебабовых культур пачалася ў Беларусі, паведаміў карэспандэнту БЕЛТА намеснік начальніка галоўнага ўпраўлення - начальнік упраўлення раслінаводства Міністэрства сельскай гаспадаркі і харчавання Васіль Ядлоўскі.

"Масавая сяўба ранніх яравых збожжавых пачалася ў чатырох абласцях - Брэсцкай, Гомельскай, Гродзенскай і Мінскай. Гэта на два тыдні раней, чым у мінулым годзе", - сказаў Васіль Ядлоўскі.

Па стане на 25 сакавіка сяўба ранніх яравых збожжавых і зернебабовых культур (без кукурузы, грэчкі і проса) праведзены на плошчы 104,4 тыс. га, або 11,8 працэнта плана. Работы ідуць ва ўсіх абласцях, акрамя Віцебскай. У Брэсцкай вобласці сяўба праведзена на 44,5 працэнта запланаваных плошчаў, у Гомельскай - на 22,8 працэнта, у Гродзенскай - на 9,15 працэнта, Мінскай - на 5,24 працэнта, Магілёўскай - 0,81 працэнта.

Раннія яравыя збожжавыя і зернебабовыя культуры ў бягучым годзе плануецца пасеяць на плошчы 884,4 тыс. га.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі