Алена Маргунова. Фота з архіва
28 сакавіка, Мінск /Кар. БЕЛТА/. У Нацыянальнай базе 68 эталонаў, якія прадстаўляюць асноўныя фізічныя велічыні Міжнароднай сістэмы адзінак і мноства іх вытворных, што выкарыстоўваюцца ў прамысловасці. У 2024 годзе ў Беларусі створаны тры новыя эталоны. 68-м стаў нацыянальны эталон адзінкі магутнасці электрамагнітных ваганняў у дыяпазоне частот ад 37,5 да 178,4 ГГц, прыняты ў пачатку 2025 года. Аб гэтым у інтэрв'ю часопісу "Экономика Беларуси" паведаміла старшыня Дзяржстандарту Алена Маргунова.
У кожнай эканамічна развітой краіне існуе свая нацыянальная эталонная база, якая разам з заканадаўча зацверджанай сістэмай адзінак вымярэння фізічных велічынь утварае нацыянальную сістэму забеспячэння адзінства вымярэнняў. Наша эталонная база - ядро метралагічнай сістэмы, ад развіцця якога залежыць непасрэдна ўзровень эканамічнага дабрабыту краіны. У сувязі з гэтым вялікае значэнне мае сучасны тэхнічны ўзровень нацыянальных эталонаў. Бо магчымасць правядзення метралагічнай ацэнкі тых ці іншых прыбораў у рэспубліцы эканоміць час і сродкі прадпрыемстваў.
"У 2024 годзе створаны тры эталоны адзінак: ціску ў галіне вымярэння вакууму, імпульснага электрычнага напружання, магутнасці ўдзельных магнітных страт і магнітнай індукцыі пераменнага магнітнага поля ў дыяпазоне частот ад 50 Гц да 200 кГц. Мадэрнізаваны нацыянальны эталон адзінкі магнітнай індукцыі Тэсла ў дыяпазоне 0,05-2,0 Тл. 68-ы эталон адзінкі магутнасці электрамагнітных ваганняў у дыяпазоне частот ад 37,5 да 178,4 ГГц распрацавалі ў БДУІР з прымяненнем унікальных інавацыйных тэхналогій. Кожны нацыянальны эталон размешчаны на тэрыторыі арганізацыі-захавальніка. 59 - у Беларускім дзяржаўным інстытуце метралогіі (БелДІМ) і 9 размеркаваны паміж інстытутамі фізікі імя Сцяпанава, прыкладной фізікі НАН Беларусі і БДУІР", - удакладніла Алена Маргунова.
Цяпер на парадку дня мадэрнізацыя Нацыянальнага эталона адзінкі і магутнасці кермы ў паветры і стварэнне эталона адзінак шчыльнасці патоку нейтронаў, магутнасці ўвабранай і эквівалентнай доз нейтроннага выпрамянення. У гэтых мэтах БелДІМ рэканструюе будынак па вул. Карвата ў Мінску для размяшчэння там пяці эталонаў радыяцыйнай бяспекі, звязанай з эксплуатацыяй сродкаў вымярэнняў БелАЭС, арганізацый аховы здароўя, энергетыкі і іншых. Выкананне праекта дасць магчымасць праводзіць паверку 20 000 (цяпер - 12 000) сродкаў вымярэнняў.
Па Канцэпцыі развіцця эталоннай базы Беларусі да канца снежня 2030 года чаканая колькасць нацыянальных эталонаў павялічыцца як мінімум да 72.
Развіццё эканомікі немагчыма без міжнароднага прызнання найлепшых калібровачных і вымяральных магчымасцей краіны, што пацвярджаецца ўключэннем у Міжнародную базу даных ключавых зверак міжнароднага бюро мер і вагаў. Кожны з дасягнутых найлепшых вынікаў унесены ў выглядзе асобнага запісу (СМС-радка). У Беларусі 301 СМС-радок, што сведчыць аб паспяховым эканамічным развіцці краіны.-0-
Поўны тэкст інтэрв'ю чытайце ў часопісе "Экономика Беларуси".
У кожнай эканамічна развітой краіне існуе свая нацыянальная эталонная база, якая разам з заканадаўча зацверджанай сістэмай адзінак вымярэння фізічных велічынь утварае нацыянальную сістэму забеспячэння адзінства вымярэнняў. Наша эталонная база - ядро метралагічнай сістэмы, ад развіцця якога залежыць непасрэдна ўзровень эканамічнага дабрабыту краіны. У сувязі з гэтым вялікае значэнне мае сучасны тэхнічны ўзровень нацыянальных эталонаў. Бо магчымасць правядзення метралагічнай ацэнкі тых ці іншых прыбораў у рэспубліцы эканоміць час і сродкі прадпрыемстваў.
"У 2024 годзе створаны тры эталоны адзінак: ціску ў галіне вымярэння вакууму, імпульснага электрычнага напружання, магутнасці ўдзельных магнітных страт і магнітнай індукцыі пераменнага магнітнага поля ў дыяпазоне частот ад 50 Гц да 200 кГц. Мадэрнізаваны нацыянальны эталон адзінкі магнітнай індукцыі Тэсла ў дыяпазоне 0,05-2,0 Тл. 68-ы эталон адзінкі магутнасці электрамагнітных ваганняў у дыяпазоне частот ад 37,5 да 178,4 ГГц распрацавалі ў БДУІР з прымяненнем унікальных інавацыйных тэхналогій. Кожны нацыянальны эталон размешчаны на тэрыторыі арганізацыі-захавальніка. 59 - у Беларускім дзяржаўным інстытуце метралогіі (БелДІМ) і 9 размеркаваны паміж інстытутамі фізікі імя Сцяпанава, прыкладной фізікі НАН Беларусі і БДУІР", - удакладніла Алена Маргунова.
Цяпер на парадку дня мадэрнізацыя Нацыянальнага эталона адзінкі і магутнасці кермы ў паветры і стварэнне эталона адзінак шчыльнасці патоку нейтронаў, магутнасці ўвабранай і эквівалентнай доз нейтроннага выпрамянення. У гэтых мэтах БелДІМ рэканструюе будынак па вул. Карвата ў Мінску для размяшчэння там пяці эталонаў радыяцыйнай бяспекі, звязанай з эксплуатацыяй сродкаў вымярэнняў БелАЭС, арганізацый аховы здароўя, энергетыкі і іншых. Выкананне праекта дасць магчымасць праводзіць паверку 20 000 (цяпер - 12 000) сродкаў вымярэнняў.
Па Канцэпцыі развіцця эталоннай базы Беларусі да канца снежня 2030 года чаканая колькасць нацыянальных эталонаў павялічыцца як мінімум да 72.
Развіццё эканомікі немагчыма без міжнароднага прызнання найлепшых калібровачных і вымяральных магчымасцей краіны, што пацвярджаецца ўключэннем у Міжнародную базу даных ключавых зверак міжнароднага бюро мер і вагаў. Кожны з дасягнутых найлепшых вынікаў унесены ў выглядзе асобнага запісу (СМС-радка). У Беларусі 301 СМС-радок, што сведчыць аб паспяховым эканамічным развіцці краіны.-0-
Поўны тэкст інтэрв'ю чытайце ў часопісе "Экономика Беларуси".
Падпісвайцеся на нас у
