Сцяг Чацвер, 28 сакавіка 2024
Усе навіны
Усе навіны
Эканоміка
22 студзеня 2020, 17:22

МАРГ устанавіў тарыфы на электраэнергію для прыраўнаваных да насельніцтва арганізацый

22 студзеня, Мінск /Кар. БЕЛТА/. Міністэрства антыманапольнага рэгулявання і гандлю ўстанавіла новыя тарыфы на электраэнергію, якая адпускаецца прадпрыемствамі ДВА "Белэнерга" арганізацыям на ўзроўні тарыфаў для насельніцтва. Адпаведная пастанова ведамства нумар 1 ад 4 студзеня 2020 года сёння афіцыйна апублікавана на Нацыянальным прававым інтэрнэт-партале, паведамляе БЕЛТА.

Для арганізацый аховы здароўя, якія аказваюць медыцынскую дапамогу ў стацыянарных умовах, пратэзна-артапедычных аднаўленчых цэнтраў, рэлігійных арганізацый, садовых і дачных кааператываў устаноўлены тарыф Br0,1901 за 1 кВт.гадз. Такі ж тарыф вызначаны і для стацыянарных устаноў сацыяльнага абслугоўвання, дзіцячых вёсак (гарадкоў), а таксама для арганізацый у частцы выкарыстання электраэнергіі на агульнадамавыя патрэбы шматкватэрных жылых дамоў, у тым ліку інтэрнатаў.

Для гаражных кааператываў і кааператываў, якія выкарыстоўваюць аўтамабільныя стаянкі, тарыф складзе Br0,209 за 1 кВт.гадз.

Для арганізацый, якія маюць на балансе высакавольтныя і нізкавольтныя электрычныя сеткі і (або) трансфарматарныя падстанцыі, у частцы выкарыстання электраэнергіі для патрэб насельніцтва тарыф складзе Br0,1811 за 1 кВт.гадз.

Пастанова ўступае ў сілу пасля яе афіцыйнага апублікавання.-0-

Падпісвайцеся на нас у
Twitter
Топ-навіны
Свежыя навіны Беларусі