18 красавіка, Мінск /Кар. БЕЛТА/. Міністэрства антыманапольнага рэгулявання і гандлю ўнесла змяненні ў рэгламенты адміністрацыйных працэдур у галіне цэнаўтварэння. Гэта прадугледжана пастановай ведамства ад 31 сакавіка 2023 года нумар 23, паведамілі БЕЛТА ў прэс-службе МАРГ.
Дакумент прыняты для ўдасканалення некаторых аспектаў узгаднення вытворцамі ўстанаўлення і павышэння адпускных цэн на тавары ў рамках правядзення адміністрацыйных працэдур.
Гэтай пастановай уведзены змяненні ў частцы ўстанаўлення пераліку дакументаў, форм заяў і маркетынгавага аналізу, неабходных для правядзення адмінпрацэдур па ўзгадненні ўстанаўлення і павышэння адпускных цэн на тавары, а таксама ў форму інфармавання дзяржорганамі (арганізацыямі) пры прыняцці такіх рашэнняў.
Гэта дапаможа знізіць адміністрацыйную нагрузку як для дзяржорганаў, так і для суб'ектаў гаспадарання, якія звярнуліся за правядзеннем адміністрацыйных працэдур.
У прэс-службе дадалі, што патрабаванні аб узгадненні вытворцамі ўстанаўлення і павышэння адпускных цэн пры правядзенні адміністрацыйных працэдур распаўсюджваюцца толькі на тавары, якія рэгулюцца ў рамках пастановы Саўміна ад 19 кастрычніка 2022 года нумар 713 "Аб сістэме рэгулявання цэн".
Дакумент уступае ў сілу пасля яго афіцыйнага апублікавання.-0-
