Сцяг Аўторак, 19 сакавіка 2024
Усе навіны
Усе навіны
Эканоміка
22 кастрычніка 2021, 14:08

МАРГ прапанаваў абмеркаваць змяненні ў сферы гандлю, грамадскага харчавання і бытавога абслугоўвання ў вёсцы

22 кастрычніка, Мінск /Кар. БЕЛТА/. Міністэрства антыманапольнага рэгулявання і гандлю прапануе абмеркаваць змяненні ў сферы гандлю, грамадскага харчавання і бытавога абслугоўвання ў сельскай мясцовасці. Адпаведны праект указа вынесены на грамадскае абмеркаванне на Прававым форуме Беларусі, паведамляе БЕЛТА.

Праект накіраваны на далейшае стымуляванне дзелавой актыўнасці, развіццё гандлю, грамадскага харчавання і бытавога абслугоўвання ў сельскай мясцовасці. Сярод плануемых змяненняў - удакладненне норм адносна вылічэння і выплаты падатку на дабаўленую вартасць. Таксама прапануецца прадаставіць суб'ектам гаспадарання права на атрыманне ва ўласнасць, карыстанне або ў валоданне існуючай на тэрыторыі сельскай мясцовасці нерухомай маёмасці, якая з'яўляецца асноўнымі сродкамі камерцыйнай арганізацыі, для вядзення на такой тэрыторыі рознічнага гандлю, грамадскага харчавання, аказання бытавых паслуг насельніцтву, без атрымання згоды антыманапольнага органа.

Для рознічных гандлёвых аб'ектаў, аб'ектаў грамадскага харчавання, размешчаных у вёсцы, з 1 студзеня 2022 года прапануецца ўстанавіць асобны тарыф на электрычную энергію.

Свае заўвагі і прапановы можна выказаць у спецыяльнай тэме на Прававым форуме Беларусі з 22 кастрычніка па 1 лістапада.-0-

Падпісвайцеся на нас у
Twitter
Топ-навіны
Свежыя навіны Беларусі