31 сакавіка, Мінск /Кар. БЕЛТА/. Міністэрства антыманапольнага рэгулявання і гандлю прадаўжае дзяржаўнае рэгуляванне цэн на сацыяльна значныя тавары з 1 красавіка па 29 чэрвеня 2021 года ўключна. Гэта прадугледжана пастановай МАРГ ад 26 сакавіка 2021 года нумар 19, паведамілі БЕЛТА ў прэс-службе міністэрства.
"Ва ўмовах негатыўнага ўплыву пандэміі на рост сусветных цэн на прадукты харчавання захоўваюцца рызыкі павышэння кошту асноўных сацыяльна значных тавараў. Прадаўжэнне цэнавага рэгулявання накіравана перш за ўсё на папярэджанне завышэння цэн на жыццёва важныя прадукты харчавання пры іх устанаўленні, а таксама на забеспячэнне даступнасці іх для насельніцтва", - адзначылі ў прэс-службе.
Пастанова ўступае ў сілу пасля яе афіцыйнага апублікавання.-0-
