1 красавіка, Мінск /Кар. БЕЛТА/. Пералік прадукцыі, на які можна ўзяць крэдыт Беларусбанка "На родныя тавары", пашыраны з улікам зваротаў вытворцаў і насельніцтва. Аб гэтым журналістам расказала намеснік міністра антыманапольнага рэгулявання і гандлю Ніна Емяльянава, перадае карэспандэнт БЕЛТА.
Згодна з пастановай Савета Міністраў нумар 228 "Аб змяненні пастановы Савета Міністраў Рэспублікі Беларусь ад 29 снежня 2023 года нумар 992 "Аб спажывецкім крэдытаванні", у Беларусі пашырыўся спіс тавараў, якія можна набыць па крэдыце Беларусбанка "На родныя тавары". Стаўка складае 4 працэнты гадавых на тэрмін да трох гадоў.
Пастанова нумар 992, у якую ўнесены змяненні цяперашнім дакументам, уступіла ў сілу толькі ў студзені гэтага года і айчынныя вытворцы тавараў, якія не ўвайшлі ў пералік, пачалі масава звяртацца ва ўрад і МАРГ. "Нават тыя, хто ўвайшоў у яго, але па пэўнай групе тавараў, сталі звяртацца з просьбай пашырыць спіс. Напрыклад, гэта нашы айчынныя вытворцы керамічнай пліткі, таму што ёсць яшчэ шмат іншых відаў гэтай прадукцыі. Паводле інфармацыі вытворцаў, рознічны тавараабарот павялічыўся дзякуючы такому крэдытаванню прыблізна на 20 працэнтаў. Калі ў Мінску гэты працэнт ніжэйшы, то ў рэгіёнах насельніцтва карыстаецца гэтай праграмай даволі актыўна", - расказала Ніна Емяльянава.
Пералік пашырылі з улікам зваротаў і вытворцаў, і насельніцтва. "У нас таксама былі адзінкавыя звароты ад грамадзян наконт таго, што яны ўжо набылі тавары, але хацелі б купіць яшчэ і іншыя", - дадала намеснік міністра.
З красавіка бягучага года ў крэдыт можна будзе набыць камплекты драўляных вырабаў для будаўніцтва драўляных дамоў, драўляныя вокны і дзверы, ламініраваныя падлогавыя пакрыцці, керамаграніт, паветраачышчальнікі і выцяжкі. А таксама навясное і прычапное абсталяванне да мотаблокаў, міні-трактароў, катлы абагравальныя газавыя, арэлі і мэбля садовыя, ложкі раскладныя, кухонныя камбайны, мясарубкі, міксеры, шаткоўні, убудаваныя духоўкі, дываны і дывановыя вырабы з натуральнай скуры і натуральнага футра, электравеласіпеды, электрасамакаты, квадрацыклы і іншае. Акрамя таго, пастановай пашыраны пералік вытворцаў, якія прапануюць тавары ў крэдыт.
Праграма крэдытавання "На родныя тавары" прадоўжана да канца 2025 года.-0-
Згодна з пастановай Савета Міністраў нумар 228 "Аб змяненні пастановы Савета Міністраў Рэспублікі Беларусь ад 29 снежня 2023 года нумар 992 "Аб спажывецкім крэдытаванні", у Беларусі пашырыўся спіс тавараў, якія можна набыць па крэдыце Беларусбанка "На родныя тавары". Стаўка складае 4 працэнты гадавых на тэрмін да трох гадоў.
Пастанова нумар 992, у якую ўнесены змяненні цяперашнім дакументам, уступіла ў сілу толькі ў студзені гэтага года і айчынныя вытворцы тавараў, якія не ўвайшлі ў пералік, пачалі масава звяртацца ва ўрад і МАРГ. "Нават тыя, хто ўвайшоў у яго, але па пэўнай групе тавараў, сталі звяртацца з просьбай пашырыць спіс. Напрыклад, гэта нашы айчынныя вытворцы керамічнай пліткі, таму што ёсць яшчэ шмат іншых відаў гэтай прадукцыі. Паводле інфармацыі вытворцаў, рознічны тавараабарот павялічыўся дзякуючы такому крэдытаванню прыблізна на 20 працэнтаў. Калі ў Мінску гэты працэнт ніжэйшы, то ў рэгіёнах насельніцтва карыстаецца гэтай праграмай даволі актыўна", - расказала Ніна Емяльянава.
Пералік пашырылі з улікам зваротаў і вытворцаў, і насельніцтва. "У нас таксама былі адзінкавыя звароты ад грамадзян наконт таго, што яны ўжо набылі тавары, але хацелі б купіць яшчэ і іншыя", - дадала намеснік міністра.
З красавіка бягучага года ў крэдыт можна будзе набыць камплекты драўляных вырабаў для будаўніцтва драўляных дамоў, драўляныя вокны і дзверы, ламініраваныя падлогавыя пакрыцці, керамаграніт, паветраачышчальнікі і выцяжкі. А таксама навясное і прычапное абсталяванне да мотаблокаў, міні-трактароў, катлы абагравальныя газавыя, арэлі і мэбля садовыя, ложкі раскладныя, кухонныя камбайны, мясарубкі, міксеры, шаткоўні, убудаваныя духоўкі, дываны і дывановыя вырабы з натуральнай скуры і натуральнага футра, электравеласіпеды, электрасамакаты, квадрацыклы і іншае. Акрамя таго, пастановай пашыраны пералік вытворцаў, якія прапануюць тавары ў крэдыт.
Праграма крэдытавання "На родныя тавары" прадоўжана да канца 2025 года.-0-
