ДЗЯРЖОРГАНЫДЗЯРЖОРГАНЫ
Чацвер, 28 мая 2020
Мінск Малавоблачна +15°C
Усе навіны
Усе навіны
Эканоміка
20 мая 2020, 19:23

МАРГ і Асацыяцыя рэстаратараў дамовіліся абменьвацца інфармацыяй аб рабоце грамадскага харчавання

Фота з архива
Фота з архива

20 мая, Мінск /Кар. БЕЛТА/. Міністэрства антыманапольнага рэгулявання і гандлю і Асацыяцыя рэстаратараў дамовіліся абменьвацца інфармацыяй аб стане і перспектывах развіцця галіны. Аб гэтым ішла размова ў час рабочай сустрэчы кіраўніцтва МАРГ з прадстаўнікамі асацыяцыі Вадзімам Пракоп'евым і Арцёмам Герасімавым, паведамілі БЕЛТА ў прэс-службе ведамства.

Асацыяцыя была зарэгістравана ў якасці грамадскай арганізацыі 30 красавіка 2020 года з мэтай абароны інтарэсаў удзельнікаў і развіцця мер па падтрымцы галіны. Міністр антыманапольнага рэгулявання і гандлю Уладзімір Калтовіч вітаў стварэнне асацыяцыі, падкрэсліў значнасць такога галіновага аб'яднання і прапанаваў увайсці ў склад грамадска-кансультатыўнага (экспертнага) савета па развіцці прадпрымальніцтва пры МАРГ.

Бакі ў час сустрэчы таксама абмеркавалі найбольш вострыя пытанні, вызначылі механізм узаемадзеяння пры распрацоўцы плана мер па вырашэнні праблем у сферы арганізацыі грамадскага харчавання. "Адной з першачарговых задач сёння з'яўляецца падрыхтоўка шэрага мерапрыемстваў, накіраваных на падтрымку і развіццё галіны", - адзначылі ў прэс-службе.

Акрамя таго, прадстаўнікі МАРГ прапанавалі заснавальнікам асацыяцыі разгледзець магчымасць стварэння інстытутаў для развіцця самарэгулявання галіны.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі