МАРГ: гандлёвыя сеткі не змогуць вярнуць пастаўшчыкам харчовыя тавары з тэрмінам прыгоднасці да 30 дзён

22 жніўня, Мінск /Кар. БЕЛТА/. Што змянілася для айчынных суб'ектаў гандлю і грамадскага харчавання, расказала на прэс-канферэнцыі намеснік начальніка ўпраўлення арганізацыі гандлю і грамадскага харчавання - начальнік аддзела метадалогіі Міністэрства антыманапольнага рэгулявання і гандлю Ірына Шпак, перадае карэспандэнт БЕЛТА.

"Змяненні ў законе "Аб дзяржаўным рэгуляванні гандлю і грамадскага харчавання" прадугледжваюць забарону на вяртанне пастаўшчыку харчовых тавараў з тэрмінам прыгоднасці да 30 дзён. Гэта патрабаванне датычыцца толькі гандлёвых сетак і пастаўшчыкоў, разам з тым такая дадатковая забарона будзе дысцыплінаваць пастаўшчыкоў і гандлёвыя сеткі, каб скараціць утварэнне незапатрабаваных тавараў з тэрмінам прыгоднасці, які хутка скончыцца", - адзначыла Ірына Шпак.

Акрамя таго, уводзіцца забарона на прадастаўленне ўзнагарод пры пастаўцы харчовых і нехарчовых тавараў суб'ектам гандлю. Гэта норма датычыцца ўсіх суб'ектаў гандлю і любых тавараў.

Раней у сувязі з прыняццем пастановы нумар 713 у суб'ектаў гандлю быў абавязак распрацаваць два пералікі тавараў - асартыментны і абавязковы. Цяпер жа з'явілася магчымасць фарміраваць толькі абавязковы спіс.-0-