29 лістапада, Мінск /Кар. БЕЛТА/. Арганізацыі Беларусі і Расійскай Федэрацыі плануюць узгадніць тарыфы на транзіт нафты на 2023 год да 25 снежня, паведамілі БЕЛТА ў прэс-службе Міністэрства антыманапольнага рэгулявання і гандлю.
Такія тэрміны прадугледжаны методыкай змянення тарыфаў на паслугі па транспарціроўцы (транзіце) нафты па магістральных трубаправодах, размешчаных на тэрыторыі Беларусі. Гэта методыка зацверджана 27 студзеня 2010 года Міністэрствам эканомікі Беларусі і Федэральнай службай па тарыфах РФ.
"На гэты момант перагаворны працэс аб велічыні індэксацыі тарыфаў на 2023 год паміж арганізацыямі трубаправоднага транспарту Беларусі і транспартнай арганізацыяй РФ яшчэ не завершаны", - заявілі ў МАРГ.-0-
