ДЗЯРЖОРГАНЫДЗЯРЖОРГАНЫ
Флаг Чацвер, 26 мая 2022
Мінск +16°C
Усе навіны
Усе навіны
Эканоміка
19 студзеня 2022, 12:53

МАРГ: аб'ёмы беларускіх харчовых тавараў у продажы растуць

Фота з архіва
Фота з архіва

19 студзеня, Мінск /Кар. БЕЛТА/. Аб'ёмы беларускіх харчовых тавараў у продажы растуць. Аб гэтым заявіла сёння журналістам намеснік начальніка ўпраўлення арганізацыі гандлю і грамадскага харчавання - начальнік аддзела спажывецкага рынку Міністэрства антыманапольнага рэгулявання і гандлю Наталля Мельнікава, перадае карэспандэнт БЕЛТА.

Беларусь з 1 студзеня ў адказ на санкцыі ўвяла харчовае эмбарга на шэраг тавараў з дзяржаў, якія ажыццяўляюць недружалюбныя дзеянні ў адносінах да нашай краіны. У пераліку забароненых тавараў - свінні, мяса буйной рагатай жывёлы, свініна, шэраг субпрадуктаў, мяса салёнае, у расоле, сушанае або вэнджанае, харчовая мука з мяса або мясных субпрадуктаў, малако і малочная прадукцыя (з некаторымі выключэннямі), агародніна, акрамя прызначанай для сяўбы, фрукты і арэхі, тлушч свіны і тлушч свойскай птушкі, тлушч буйной рагатай жывёлы, авечак або коз, лярд-стэарын і іншыя жывёльныя маслы, каўбасы і аналагічныя прадукты, кандытарскія вырабы, соль і іншыя тавары.

"Тавары беларускай вытворчасці на сёння павялічваюцца ў продажы, што вельмі прыемна. Нашы вытворцы пачынаюць больш пастаўляць на ўнутраны рынак. Імпарцёры пераарыентаваліся на іншыя краіны, таму тавары ёсць на паліцах", - сказала Наталля Мельнікава.

Сёння ў Мінску праходзіць Trade Dialog айчынных вытворцаў прадуктаў з прадстаўнікамі рытэйлу і HoReCa (так званы сегмент гасціннасці, які аб'ядноўвае кафэ, рэстараны, турыстычны і гасцінічны бізнес. - Заўвага БЕЛТА) "Адкрываем сваё". Арганізатары - МАРГ і часопіс "Продукт.BY". Галоўная тэма - імпартазамяшчэнне. У праграме мерапрыемства прэзентацыя і бізнес-дэгустацыя айчынных сыроў, а таксама мясных далікатэсаў. Па выніках дэгустацыі пройдуць прамыя перагаворы вытворцаў з прадстаўнікамі рытэйлу і HoReCa. Запланаваны таксама круглы стол з удзелам прадстаўнікоў МАРГ і Мінсельгасхарча, у час якога будуць вырашацца тэхнічныя пытанні, каб паскорыць працэс імпартазамяшчэння.

"У сённяшнім мерапрыемстве прымаюць удзел 15 буйных гандлёвых сетак, якія займаюць больш за 70 працэнтаў рынку ў рознічным тавараабароце, а таксама 20 асноўных вытворцаў мяса-малочнай прадукцыі. Сёння прадстаўлены новыя прадукты, якія распрацаваны нашымі вытворцамі ў рамках праграмы імпартазамяшчэння. Гэта самы актуальны напрамак цяпер, паколькі мы сутыкаемся з новымі выклікамі. Айчынны вытворца павінен забяспечваць унутраны рынак сваімі таварамі. Сёння будуць вырашацца адпаведныя пытанні з гандлем", - адзначыла прадстаўнік МАРГ.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі