Фота БУТБ
26 верасня, Мінск /Кар. БЕЛТА/. Малочная прадукцыя, каляровыя металы, прамысловае абсталяванне і тэхніка вызначаны ў якасці найбольш перспектыўных напрамкаў біржавога гандлю паміж Беларуссю і Магаданскай вобласцю па выніках дзелавога семінара Беларускай універсальнай таварнай біржы ў Магадане, паведамілі БЕЛТА ў прэс-службе БУТБ.
У час семінара абмеркавана ўсё кола пытанняў, звязаных з удзелам рэзідэнтаў РФ у біржавых таргах на БУТБ, уключаючы працэдуру акрэдытацыі, навучанне, парадак размяшчэння заявак і заключэння здзелак, асаблівасці ўзаемаразлікаў і кантроль выканання абавязацельстваў. Асаблівы акцэнт быў зроблены на перавагах біржавога механізма ў параўнанні з пазабіржавымі схемамі, а таксама на дадатковых інструментах і сэрвісах, даступных на БУТБ.
"У бягучым годзе сярод усіх рэгіёнаў Далёкаўсходняй федэральнай акругі біржавыя здзелкі заключаліся толькі кампаніямі з Прыморскага края. У асноўным гэта былі закупкі беларускай малочнай прадукцыі: сухога малака і вяршкоў, сметанковага масла і тварагу. Агульная сума біржавых кантрактаў склала $2,4 млн. Па гэтых жа пазіцыях плануецца наладзіць супрацоўніцтва і з Магаданскай вобласцю, дзе ёсць пацверджаны попыт на прадукты харчавання, якія вырабляюцца ў Беларусі. З пункту гледжання імпарту найбольшы інтарэс маюць каляровыя металы, запатрабаваныя ў беларускіх металургічных і машынабудаўнічых прадпрыемстваў. У першую чаргу гэта свінец, волава, медзь і іх сплавы. Акрамя таго, разглядаецца магчымасць выкарыстання біржавой пляцоўкі для ўзаемнага гандлю імпартазамяшчальнымі таварамі", - расказалі ў прэс-службе БУТБ.
Мерапрыемства было арганізавана пры падтрымцы Магаданскага рэгіянальнага фонду садзейнічання развіццю прадпрымальніцтва з мэтай азнаямлення суб'ектаў малога і сярэдняга бізнесу Магаданскай вобласці з магчымасцямі беларускай біржавой платформы.
ААТ "Беларуская ўніверсальная таварная біржа" створана ў 2004 годзе. Першыя таргі прайшлі ў чэрвені 2005 года. БУТБ - адна з буйнейшых таварных біржаў ва Усходняй Еўропе. Галоўная функцыя біржы - садзейнічанне беларускім прадпрыемствам у экспарце прадукцыі і дапамога замежным кампаніям у выхадзе на беларускі рынак. На біржы прадаецца метала-, леса-, сельгаспрадукцыя, прамысловыя і спажывецкія тавары шырокай наменклатуры.-0-
У час семінара абмеркавана ўсё кола пытанняў, звязаных з удзелам рэзідэнтаў РФ у біржавых таргах на БУТБ, уключаючы працэдуру акрэдытацыі, навучанне, парадак размяшчэння заявак і заключэння здзелак, асаблівасці ўзаемаразлікаў і кантроль выканання абавязацельстваў. Асаблівы акцэнт быў зроблены на перавагах біржавога механізма ў параўнанні з пазабіржавымі схемамі, а таксама на дадатковых інструментах і сэрвісах, даступных на БУТБ.
"У бягучым годзе сярод усіх рэгіёнаў Далёкаўсходняй федэральнай акругі біржавыя здзелкі заключаліся толькі кампаніямі з Прыморскага края. У асноўным гэта былі закупкі беларускай малочнай прадукцыі: сухога малака і вяршкоў, сметанковага масла і тварагу. Агульная сума біржавых кантрактаў склала $2,4 млн. Па гэтых жа пазіцыях плануецца наладзіць супрацоўніцтва і з Магаданскай вобласцю, дзе ёсць пацверджаны попыт на прадукты харчавання, якія вырабляюцца ў Беларусі. З пункту гледжання імпарту найбольшы інтарэс маюць каляровыя металы, запатрабаваныя ў беларускіх металургічных і машынабудаўнічых прадпрыемстваў. У першую чаргу гэта свінец, волава, медзь і іх сплавы. Акрамя таго, разглядаецца магчымасць выкарыстання біржавой пляцоўкі для ўзаемнага гандлю імпартазамяшчальнымі таварамі", - расказалі ў прэс-службе БУТБ.
Мерапрыемства было арганізавана пры падтрымцы Магаданскага рэгіянальнага фонду садзейнічання развіццю прадпрымальніцтва з мэтай азнаямлення суб'ектаў малога і сярэдняга бізнесу Магаданскай вобласці з магчымасцямі беларускай біржавой платформы.
ААТ "Беларуская ўніверсальная таварная біржа" створана ў 2004 годзе. Першыя таргі прайшлі ў чэрвені 2005 года. БУТБ - адна з буйнейшых таварных біржаў ва Усходняй Еўропе. Галоўная функцыя біржы - садзейнічанне беларускім прадпрыемствам у экспарце прадукцыі і дапамога замежным кампаніям у выхадзе на беларускі рынак. На біржы прадаецца метала-, леса-, сельгаспрадукцыя, прамысловыя і спажывецкія тавары шырокай наменклатуры.-0-
Падпісвайцеся на нас у
