22 студзеня, Мінск /Кар. БЕЛТА/. Малаказаводы і мясакамбінаты Віцебскай вобласці атрымаюць субсідыі з бюджэту на выплату часткі працэнтаў па крэдытах. Адпаведная пастанова Савета Міністраў ад 20 студзеня 2021 года нумар 30 афіцыйна апублікавана сёння на Нацыянальным прававым інтэрнэт-партале, паведамляе БЕЛТА.
Субсідыі атрымаюць Верхнядзвінскі масласырзавод, Віцебскі мясакамбінат, Глыбоцкі малочнакансервавы камбінат, ААТ "Малако", Аршанскі мясакансервавы камбінат, Полацкі малочны камбінат, Пастаўскі малочны завод, Глыбоцкі мясакамбінат.
Грошы будуць прадастаўлены са сродкаў рэспубліканскага бюджэту, прадугледжаных на іншыя пытанні ў галіне сельскай гаспадаркі. Субсідыі выдаюцца на выплату часткі працэнтаў за карыстаннем крэдытамі на бягучую дзейнасць.
Памер субсідый па крэдытах у беларускіх рублях складзе 30 працэнтаў стаўкі рэфінансавання Нацбанка, у замежнай валюце - 30 працэнтаў стаўкі па крэдыце, але не больш за 2,5 працэнта гадавых. Субсідыі па валютных крэдытах будуць прадастаўлены ў беларускіх рублях.-0-
