Мабільная версія
ДЗЯРЖОРГАНЫ

Апошнія навіны
Усе навіны

Магчымасці эканамічнага супрацоўніцтва ў Саюзнай дзяржаве неабходна пашыраць - Рапота

Эканоміка 18.07.2016 | 11:26

18 ліпеня, Віцебск /Алёна Ціханава - БЕЛТА/. У Саюзнай дзяржаве неабходна пашыраць магчымасці эканамічнага супрацоўніцтва. Такім меркаваннем падзяліўся дзяржаўны сакратар Саюзнай дзяржавы Рыгор Рапота з журналістамі на палях XXV Міжнароднага фестывалю мастацтваў "Славянскі базар у Віцебску", перадае карэспандэнт БЕЛТА.

Паводле слоў дзяржсакратара, цяпер адно з актуальных пытанняў двухбаковага супрацоўніцтва - гэта ўзгадненне эканамічных палітык Беларусі і Расіі. "Нам трэба ствараць эканамічны базіс, які ў сваю чаргу дасць магчымасць больш шырока развіваць і культурныя сувязі, - упэўнены Рыгор Рапота. - Любыя культурныя праекты патрабуюць грошай, а грошы з паветра не бяруцца, яны бяруцца з эканамічных магчымасцей. І нам трэба ўдзяліць гэтаму самую пільную ўвагу".

Дзяржсакратар падкрэсліў, што ён ніяк не прымяншае значэнне культурных сувязей. "Больш таго, мы пашыраем іх усюды, дзе гэта магчыма. Але нам неабходна ствараць прынцыпова іншыя базісныя ўмовы для эканамічных сувязей. Толькі так мы зможам ліквідаваць тыя правалы ў эканамічных адносінах, якія ў нас узніклі ў апошнія гады", - сказаў Рыгор Рапота.

15 ліпеня на "Славянскім базары ў Віцебску" праходзіў Дзень Саюзнай дзяржавы. Рыгор Рапота сустрэўся са старшынёй Віцебскага аблвыканкама Мікалаем Шарстнёвым, прыняў удзел у цырымоніі ўскладання кветак да мемарыяла на плошчы Перамогі і прэс-канферэнцыі, пабываў у Вялікалятчанскім дзіцячым доме, наведаў музей-сядзібу Ільі Рэпіна "Здраўнёва", дзе праходзіць пленэр юных мастакоў Беларусі і Расіі.-0-

Версія для друку
Навіны рубрыкі Эканоміка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Машынабудаванне Беларусі Машынабудаўнічы комплекс Беларусі прадстаўляюць каля 250 вялікіх і сярэдніх арганізацый, у якіх працуюць 192 тыс. чалавек.