30 лістапада, Мінск /Кар. БЕЛТА/. Магчымасці для работы інвестараў у Кітайска-беларускім індустрыяльным парку "Вялікі камень" і беларускіх свабодных эканамічных зонах прэзентаваны сёння ў швейцарскім Хорне, паведамілі БЕЛТА ў БелГПП па выніках пасяджэння Беларуска-швейцарскага дзелавога савета.
На пасяджэнні савета абмяркоўваліся перспектывы павелічэння экспарту тавараў і паслуг з Беларусі ў Швейцарыю, асаблівасці работы ў свабодных эканамічных зонах і індустрыяльным парку "Вялікі камень", пытанні інавацыйнай і інвестыцыйнай дзейнасці, лагістыкі і мытнага рэгулявання пры рэалізацыі беларуска-швейцарскіх праектаў, фінансавыя і банкаўскія інструменты падтрымкі бізнесу.
У яго рабоце прынялі ўдзел каля 40 прадстаўнікоў буйных беларускіх і швейцарскіх прадпрыемстваў машынабудаўнічага комплексу, лагістычных, кансалтынгавых кампаній, фінансавых інстытутаў, кіраўніцтва СЭЗ і "Вялікага каменя".
Сёння таксама адбылася кантактна-кааперыйная біржа паміж прадстаўнікамі беларускіх і швейцарскіх дзелавых колаў.
У час візіту ў Швейцарыю члены беларускай дэлегацыі наведалі кампанію Bьhler AG, якая з'яўляецца сусветным лідарам у галіне машынабудавання для харчовай прамысловасці, і азнаёміліся з вопытам арганізацыі вытворчых працэсаў.
Пасяджэнне савета арганізавана Беларускай гандлёва-прамысловай палатай сумесна з кампаніяй Stadler Rail AG.-0-
