16 верасня, Мінск /Кар. БЕЛТА/. Ліцэнзаванне экспарту трубнай прадукцыі пры яе вывазе ў некаторыя краіны ўводзіцца ў Беларусі на паўгода. Гэта прадугледжана пастановай Савета Міністраў ад 13 верасня 2021 года нумар 526, паведамляе БЕЛТА са спасылкай на Нацыянальны прававы інтэрнэт-партал.
Устаноўлена, што змяшчэнне пад мытную працэдуру экспарту ў Беларусі такой прадукцыі будзе выконвацца па разавых ліцэнзіях, выдадзеных Міністэрствам антыманапольнага рэгулявання і гандлю. Для выдачы ліцэнзіі неабходны сертыфікат прадукцыі ўласнай вытворчасці.
У пералік краін, пры вывазе ў якія гэтай прадукцыі спатрэбіцца ліцэнзія, увайшлі Аўстрыя, Венгрыя, Грэцыя, Італія, Данія і іншыя. Усяго ў спісе іх 27.
Міністэрству замежных спраў даручана інфармаваць Еўразійскую эканамічную камісію аб прынятых мерах.
Пастанова ўступае ў сілу з 1 кастрычніка 2021 года і дзейнічае на працягу шасці месяцаў.-0-