23 студзеня, Мінск /Кар. БЕЛТА/. Высакаякасная прадукцыя БЕЛАЗа запатрабавана на сусветным рынку. Гэта адзначыў журналістам генеральны дырэктар ААТ "БЕЛАЗ - кіруючая кампанія холдынга "БЕЛАЗ-ХОЛДЫНГ" Сяргей Лесін, якому сёння ў Палацы Незалежнасці Прэзідэнт Беларусі ўручыў Дзяржаўны знак якасці за кар'ерныя самазвалы БЕЛАЗ-7513, паведамляе карэспандэнт БЕЛТА.
"Для нас важным з'яўляецца тое, што мы працуем на фундаменце тых, хто працаваў да нас, - сказаў Сяргей Лесін. - Гэта працяг тых традыцый, якія закладзены яшчэ ў 60-я гады мінулага стагоддзя. Першы Знак якасці ў аўтамабілебудаванні тады атрымаў наш кар'ерны самазвал БЕЛАЗ-540 27-тоннай грузападымальнасцю".
"Цяпер мы атрымліваем Дзяржаўны знак якасці за самазвал грузападымальнасцю 130 т. Гэта праца канструктараў, тэхнолагаў, нашых рабочых, інжынераў", - звярнуў увагу гендырэктар.
"Калі мы працуем ва ўмовах, абмежаваных па рынках, на першае месца выходзяць пытанні якасці прадукцыі, яе кошту. Па суадносінах цана-якасць наш прадукт БЕЛАЗ-7513 - лідар на сусветным рынку. Мы займаем 70 працэнтаў продажаў ва ўсім свеце ў гэтым класе грузападымальнасці (130-136 т). Пытанні якасці тут, напэўна, першую ролю адыгрываюць. У горназдабыўной галіне, дзе выкарыстоўваецца наша прадукцыя, спажыўцу патрэбна надзейная, прадукцыйная тэхніка", - звярнуў увагу Сяргей Лесін.
Ён таксама прадоўжыў: "Каб утрымацца на такіх высокіх пазіцыях, трэба прыкладаць звышнамаганні, трэба пастаянна мадэрнізаваць тую прадукцыю, якую мы вырабляем, гэта вялікая праца. Трэба ўкладвацца ў абнаўленне вытворчых магутнасцей".
"І важна выканальніцкая дысцыпліна - кожны павінен выконваць сваю работу адказна і сумленна", - падкрэсліў генеральны дырэктар.
Дзяржаўны знак якасці атрымалі сапраўды бестселеры завода - кар'ерныя самазвалы БЕЛАЗ серыі 7513, якія прызначаны для транспарціроўкі горнай масы ў разрыхленым стане па тэхналагічных дарогах на адкрытых распрацоўках карысных выкапняў з рознымі кліматычнымі ўмовамі. Гэтыя машыны таксама могуць выкарыстоўвацца на будаўніцтве вялікіх прамысловых і гідратэхнічных збудаванняў, пры будаўніцтве дарожна-магістральных комплексаў, а таксама ў тэхналагічных падраздзяленнях прадпрыемстваў перапрацоўчай прамысловасці.
Машыны запатрабаваны не толькі на постсавецкай прасторы, але і далёка за яе межамі.
Дарэчы, менавіта мадэль гэтага завода - 27-тонны БЕЛАЗ-540 - стаў першым аўтамабілем, удастоеным Дзяржаўнага знака якасці СССР. Адноўленая машына цяпер знаходзіцца сярод экспанатаў прадпрыемства.-0-
"Для нас важным з'яўляецца тое, што мы працуем на фундаменце тых, хто працаваў да нас, - сказаў Сяргей Лесін. - Гэта працяг тых традыцый, якія закладзены яшчэ ў 60-я гады мінулага стагоддзя. Першы Знак якасці ў аўтамабілебудаванні тады атрымаў наш кар'ерны самазвал БЕЛАЗ-540 27-тоннай грузападымальнасцю".
"Цяпер мы атрымліваем Дзяржаўны знак якасці за самазвал грузападымальнасцю 130 т. Гэта праца канструктараў, тэхнолагаў, нашых рабочых, інжынераў", - звярнуў увагу гендырэктар.
"Калі мы працуем ва ўмовах, абмежаваных па рынках, на першае месца выходзяць пытанні якасці прадукцыі, яе кошту. Па суадносінах цана-якасць наш прадукт БЕЛАЗ-7513 - лідар на сусветным рынку. Мы займаем 70 працэнтаў продажаў ва ўсім свеце ў гэтым класе грузападымальнасці (130-136 т). Пытанні якасці тут, напэўна, першую ролю адыгрываюць. У горназдабыўной галіне, дзе выкарыстоўваецца наша прадукцыя, спажыўцу патрэбна надзейная, прадукцыйная тэхніка", - звярнуў увагу Сяргей Лесін.
Ён таксама прадоўжыў: "Каб утрымацца на такіх высокіх пазіцыях, трэба прыкладаць звышнамаганні, трэба пастаянна мадэрнізаваць тую прадукцыю, якую мы вырабляем, гэта вялікая праца. Трэба ўкладвацца ў абнаўленне вытворчых магутнасцей".
"І важна выканальніцкая дысцыпліна - кожны павінен выконваць сваю работу адказна і сумленна", - падкрэсліў генеральны дырэктар.
Дзяржаўны знак якасці атрымалі сапраўды бестселеры завода - кар'ерныя самазвалы БЕЛАЗ серыі 7513, якія прызначаны для транспарціроўкі горнай масы ў разрыхленым стане па тэхналагічных дарогах на адкрытых распрацоўках карысных выкапняў з рознымі кліматычнымі ўмовамі. Гэтыя машыны таксама могуць выкарыстоўвацца на будаўніцтве вялікіх прамысловых і гідратэхнічных збудаванняў, пры будаўніцтве дарожна-магістральных комплексаў, а таксама ў тэхналагічных падраздзяленнях прадпрыемстваў перапрацоўчай прамысловасці.
Машыны запатрабаваны не толькі на постсавецкай прасторы, але і далёка за яе межамі.
Дарэчы, менавіта мадэль гэтага завода - 27-тонны БЕЛАЗ-540 - стаў першым аўтамабілем, удастоеным Дзяржаўнага знака якасці СССР. Адноўленая машына цяпер знаходзіцца сярод экспанатаў прадпрыемства.-0-
Падпісвайцеся на нас у
