21 кастрычніка, Масква /Эдуард Півавар - БЕЛТА/. Праект пагаднення аб адзінай сістэме мытнага транзіту Еўразійскага эканамічнага саюза абмеркаваны на нарадзе высокага ўзроўню, якая прайшла пад старшынствам члена Калегіі (Міністра) па мытным супрацоўніцтве Еўразійскай эканамічнай камісіі Максата Мамытканава, паведамілі БЕЛТА ў прэс-службе ЕЭК.
"Прадугледжваецца, што адзіная сістэма транзіту павінна ўключыць у сябе як дзеючыя элементы транзітнай сістэмы, так і ўсе магчымыя новаўвядзенні і спрашчэнні, работа над якімі цяпер вядзецца, - адзначылі ў ЕЭК. - Пры гэтым пагадненне аб адзінай сістэме мытнага транзіту павінна быць адкрыта для далучэння дзяржаў, якія не з'яўляюцца членамі саюза".
Дакумент змяшчае асноўныя элементы мытнай працэдуры мытнага транзіту, апісанне гарантыйных механізмаў, што дасць магчымасць прымяняць яе трэцім краінам.
"Праект пагаднення ў цэлым падтрыманы бакамі. Дасягнута дамоўленасць аб актывізацыі далейшай работы над дакументам на экспертным узроўні. ЕЭК плануе далажыць аб ходзе работы над праектам на чарговым пасяджэнні Савета ЕЭК", - дадалі ў прэс-службе.-0-
