Мабільная версія
ДЗЯРЖОРГАНЫ

Апошнія навіны
Усе навіны

Краіны ЕАЭС маюць намер стварыць сумесную прамысловую інфраструктуру ў Егіпце

Эканоміка 08.10.2019 | 13:33
Аляксандр Субоцін. Фота ЕЭК
Аляксандр Субоцін. Фота ЕЭК

8 кастрычніка, Масква /Эдуард Півавар - БЕЛТА/. Краіны Еўразійскага эканамічнага саюза плануюць стварыць сумесную прамысловую інфраструктуру ў Егіпце. Гэта тэма будзе разглядацца на пасяджэнні савета па прамысловай палітыцы ЕАЭС, якое пройдзе 9 кастрычніка ў Каіры, паведамілі карэспандэнту БЕЛТА ў апараце члена Калегіі (міністра) па прамысловасці і аграпрамысловым комплексе Еўразійскай эканамічнай камісіі Аляксандра Субоціна.

Асноўнымі пытаннямі парадку дня стануць стварэнне дзяржавамі - членамі ЕАЭС сумеснай прамысловай інфраструктуры на тэрыторыі трэціх краін, разгляд прапановы аб распрацоўцы еўразійскай міждзяржаўнай праграмы "Павышэнне эфектыўнасці і надзейнасці работы аб'ектаў энергетыкі ў дзяржавах - членах ЕАЭС", а таксама выкананне навукова-даследчай работы "Распрацоўка прапаноў аб правядзенні экспертызы тэхналагічнага ўзроўню галін прамысловасці ЕАЭС для вызначэння напрамкаў фарміравання цэнтраў кампетэнцый і павышэння тэхналагічнага ўзроўню прыярытэтных галін прамысловасці ў ЕАЭС".

"Чакаем, што стварэнне дзяржавамі - членамі ЕАЭС сумеснай прамысловай інфраструктуры на тэрыторыі Егіпта стане акном для распаўсюджвання нашай прамысловай прадукцыі ў краінах Афрыкі і Блізкага Усходу", - заявіў Аляксандр Субоцін.

Пасяджэнне савета пройдзе ў Каіры ў рамках міжнароднай прамысловай і тэхналагічнай выстаўкі і форуму "Вялікі прамысловы тыдзень". У мерапрыемствах форуму прымуць удзел прадстаўнікі зацікаўленых прадпрыемстваў і бізнесу, кіраўнікі профільных міністэрстваў і ведамстваў краін - членаў ЕАЭС.-0-

Версія для друку
Навіны рубрыкі Эканоміка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Тэмпературныя рэкорды Беларусі 14 кастрычніка былі пабіты тэмпературныя рэкорды ў Мінску і ва ўсіх абласных цэнтрах, акрамя Брэста.