17 красавіка, Мінск /Кар. БЕЛТА/. Беларускі фонд фінансавай падтрымкі прадпрымальнікаў праводзіць конкурс інвестыцыйных праектаў суб'ектаў малога прадпрымальніцтва для аказання дзяржаўнай фінансавай падтрымкі, паведамілі БЕЛТА ў прэс-службе Міністэрства эканомікі.
Віды дзяржаўнай фінансавай падтрымкі - пазыка (прадастаўленне грашовых сродкаў на вяртальнай платнай аснове) і лізінг маёмасці (прадастаўленне маёмасці на ўмовах фінансавай арэнды).
Дзяржпадтрымка прадастаўляецца на конкурснай аснове пры абавязковым стварэнні новых рабочых месцаў у рамках рэалізацыі праекта, бізнес-ідэі пры рэалізацыі інвестпраектаў па пэўных напрамках. Сярод іх стварэнне, развіццё і пашырэнне вытворчасці тавараў (работ, паслуг); арганізацыя, развіццё вытворчасці, рэалізацыя экспартна арыентаванай, імпартазамяшчальнай прадукцыі; вытворчасць прадукцыі, накіраванай на энерга- і рэсурсазберажэнне; укараненне новых тэхналогій (якія маюць больш высокія якасныя характарыстыкі ў параўнанні з лепшымі аналагамі, даступнымі на названым рынку, пэўным сегменце рынку, для якіх гэта тэхналогія з'яўляецца новай).
Падрабязней з умовамі конкурсу можна азнаёміцца на афіцыйным сайце Мінэканомікі. Тэрмін прыёму заявак - па 30 красавіка.-0-
