ДЗЯРЖОРГАНЫДЗЯРЖОРГАНЫ
Аўторак, 13 красавіка 2021
Мінск Пераменная воблачнасць +16°C
Усе навіны
Усе навіны
Эканоміка
03 сакавіка 2021, 18:08

Колькасць рэзідэнтаў ПВТ перасягнула 1 тыс.

Фота з архіва
Фота з архіва

3 сакавіка, Мінск /Кар. БЕЛТА/. Наглядальны савет Парка высокіх тэхналогій прыняў рашэнне аб рэгістрацыі 65 кампаній у якасці рэзідэнтаў ПВТ, паведамілі БЕЛТА ў прэс-службе парка.

"Прадаўжаецца тэндэнцыя актыўнага развіцця стартапаў: больш як палавіна навічкоў зарэгістравана ў 2020-2021 гадах. Сёння Парк высокіх тэхналогій аб'ядноўвае 1021 кампанію", - адзначылі ў прэс-службе.

Новымі рэзідэнтамі ПВТ сталі прадстаўнікі розных сфер, сярод якіх медыцына, фінтэх, электронная камерцыя, гульнявая індустрыя, транспарт, прамысловасць і сельская гаспадарка.

Кампанія "Інтэграцыя Дыстрыб'юцыя Праекты" мае намер распрацоўваць праграмнае забеспячэнне і абсталяванне для аплаты праезду праз біяметрычныя тэрміналы ў мінскім метро, а таксама створыць працоўнае месца пагранічніка з сістэмай распазнавання твараў пры праходжанні граніцы.

"Бадробат" зоймецца распрацоўкай праграмна-апаратнага комплексу, што складаецца з самастойна спраектаванага разумнага будаўнічага прынтара, убудаванага праграмнага забеспячэння і CAD/CAM-дадатку для кіравання будаўнічым прынтарам.

"А1 ІКТ сэрвісы" выдзелілася з унітарнага прадпрыемства "А1". Новая кампанія будзе арыентавана на пашырэнне даступных кліентам магчымасцей і паслуг на базе ўласнага дата-цэнтра А1, уключаючы размяшчэнне інфармацыйных рэсурсаў кліентаў, аўдыт у галіне ІТ, інфармацыйную бяспеку, праектаванне і тэхнічнае суправаджэнне воблачных рашэнняў і іншае.

"АМІС-АйЦі" плануе распрацоўку заказнога праграмнага забеспячэння для сфер прамысловай бяспекі, аднаўляльных крыніц энергіі, медыцыны, электраэнергетыкі, транспарту, нафтагазавай прамысловасці. Прадуктовы напрамак будзе прадстаўлены ўласным мабільным дадаткам медыцынскага профілю для ўрачоў і медперсаналу.

У планах "ДЛТ тэкст" - распрацоўка і падтрымка прадуктаў міжнароднага холдынга iText, сярод якіх кросплатформенная бібліятэка і рашэнне, прызначанае для генерацыі і мадыфікацыі PDF-дакументаў.

"РІНГЛ Софтвер Дэвелапмент" сканцэнтруецца на стварэнні ўніверсальнай платформы для камфортнага паўсядзённага ўзаемадзеяння і дзелавых камунікацый з пашыранымі магчымасцямі ў галіне бяспекі, сацыяльнага ўзаемадзеяння і электроннай камерцыі.

Да ПВТ далучыліся і рэзідэнты з замежным капіталам, у тым ліку два цэнтры распрацоўкі замежных карпарацый. "Альторос Бел" у якасці цэнтра распрацоўкі карпарацыі Altoros (ЗША) плануе займацца стварэннем і падтрымкай праграмнага забеспячэння ў сферах дэцэнтралізаваных фінансаў і абмежавання распаўсюджвання COVID-19. "Дэрыў БАЙ" прадстаўляе транснацыянальную групу кампаній Deriv і будзе працаваць над рознымі платформамі ў сферы анлайн-гандлю.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі