Мабільная версія
ДЗЯРЖОРГАНЫ

Апошнія навіны
Усе навіны

Кіраўніцтва Сусветнага банка плануе наведаць Беларусь у бліжэйшы час

Эканоміка 18.04.2016 | 09:50

18 красавіка, Мінск /Кар. БЕЛТА/. Кіраўніцтва Сусветнага банка плануе наведаць Беларусь у бліжэйшы час. Аб гэтым заявіў памочнік Прэзідэнта - начальнік галоўнага эканамічнага ўпраўлення Адміністрацыі Прэзідэнта Кірыл Руды ў інтэрв'ю рускай службе "Галасы Амерыкі" ў час вясенніх штогадовых пасяджэнняў саветаў кіраўнікоў Міжнароднага валютнага фонду і Групы Сусветнага банка ў Вашынгтоне, якое трансліраваў тэлеканал "Беларусь 1", паведамляе БЕЛТА.

"У гэтым годзе беларуская дэлегацыя на штогадовых вясенніх сустрэчах складаецца з прадстаўнікоў Нацыянальнага банка, Міністэрства эканомікі, Адміністрацыі Прэзідэнта, Банка развіцця Беларусі. Мы прыехалі ў Вашынгтон, каб зверыць гадзіннікі. Прайшлі перагаворы з кіраўніцтвам Сусветнага банка, гэта быў аптымістычны дыялог, дамовіліся аб прадаўжэнні супрацоўніцтва. Кіраўніцтва Сусветнага банка выказала жаданне ў бліжэйшы час, магчыма, праз месяц, наведаць Беларусь", - растлумачыў ён.

Кірыл Руды падкрэсліў, што чакаецца прыезд у Беларусь двух віцэ-прэзідэнтаў банка.

"У Беларусі мы менш гаворым, але больш робім. У прыватнасці, быў падпісаны ўказ аб павышэнні пенсійнага ўзросту, павышаны тарыфы на ЖКГ, адбылася лібералізацыя цэн. Фактычна самыя складаныя рэформы пачаліся і ўжо ідуць", - канстатаваў Кірыл Руды.

Памочнік Прэзідэнта - начальнік галоўнага эканамічнага ўпраўлення Адміністрацыі Прэзідэнта адзначыў, што мадэль цэнтральнага планавання эканомікі Беларусі на пэўным этапе стала мабілізуючым фактарам, які даў імпульс да развіцця. "Цяпер у нас ёсць пэўныя цяжкасці, але гэта не адзіны фактар. Відавочна, што змяненне сітуацыі на сыравінных рынках, сітуацыі ў нашым рэгіёне адбіваецца на нас. Мы адкрытая эканоміка, і цяжкасці асноўных нашых гандлёвых партнёраў не могуць не паўплываць на нас. Гэта цэлы комплекс і структурных, і рэгіянальных знешніх фактараў, якія сышліся ў адзін час у адну кропку. Але на 2017 год, паводле прагнозаў МВФ, у нас чакаецца паступовае аднаўленне эканомікі", - рэзюмаваў Кірыл Руды.

У час вясенніх штогадовых пасяджэнняў саветаў кіраўнікоў Міжнароднага валютнага фонду і Групы Сусветнага банка таксама прайшла прэзентацыя скарочанага англамоўнага варыянта кнігі "Фінансавая дыета" Кірыла Рудага.-0-

Версія для друку
Навіны рубрыкі Эканоміка
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Беларусь - Расія: гандлёва-эканамічнае супрацоўніцтва Расія - асноўны гандлёвы партнёр Беларусі. Аб'ём знешняга гандлю таварамі з Расіяй у 2018 годзе ў параўнанні з 1996-м павялічыўся амаль у 5,5 раза.