10 чэрвеня, Мінск /Кар. БЕЛТА/. Старшыня Беларускай гандлёва-прамысловай палаты Уладзімір Улаховіч прыняў удзел у 127-й пленарнай асамблеі Асацыяцыі еўрапейскіх гандлёва-прамысловых палат (Еўрапалаты). Мерапрыемства адбылося ў анлайн-фармаце, паведамілі БЕЛТА ў БелГПП.
Удзельнікі пленарнай асамблеі - еўрапейскі камісар па пытаннях занятасці і сацыяльных правоў Нікалас Шміт, прэзідэнт Еўрапалаты Крыстаф Ляйтл, кіраўнікі каля 40 гандлёва-прамысловых палат - абмеркавалі прапановы Асацыяцыі еўрапейскіх гандлёва-прамысловых палат, узгодненыя для ўключэння ў дарожную карту ЕС па аднаўленні эканомікі ад наступстваў пандэміі COVID-19.
Таксама былі разгледжаны фінансавыя пытанні дзейнасці Еўрапалаты, магчымасці правядзення мерапрыемстваў для бізнесу восенню бягучага года і зацверджаны змяненні ў статуце арганізацыі.-0-
