ДЗЯРЖОРГАНЫДЗЯРЖОРГАНЫ
Чацвер, 28 мая 2020
Мінск Малавоблачна +15°C
Усе навіны
Усе навіны
Эканоміка
29 красавіка 2020, 18:25

КДК Беларусі і Падліковая палата РФ ацанілі выкананне саюзнага бюджэту за 2019 год

Фота з архіва
Фота з архіва

29 красавіка, Мінск /Кар. БЕЛТА/. Камітэт дзяржкантролю Беларусі і Падліковая палата Расіі правялі аператыўны кантроль выканання бюджэту Саюзнай дзяржавы за 2019 год. Адпаведная справаздача зацверджана калегіяй КДК, паведамілі БЕЛТА ў кантрольным ведамстве Беларусі.

У справаздачы адзначаецца, што даходы саюзнага бюджэту ў 2019 годзе выкананы ў суме крыху большым за 7,266 млрд расійскіх рублёў (100,1 працэнта даходаў, прадугледжаных удакладненым зводным бюджэтным роспісам на 2019 год). Даходы сфарміраваны за кошт бязвыплатных пералічэнняў дзяржаў - удзельніц Саюзнай дзяржавы ў суме 4,872 млрд расійскіх рублёў і 2,394 млрд расійскіх рублёў непадатковых даходаў (у асноўным, астаткаў сродкаў саюзных бюджэтаў мінулых гадоў).

Па расходах саюзны бюджэт выкананы ў памеры большым за 6,566 млрд расійскіх рублёў (98,3 працэнта ўдакладненага роспісу), што ніжэй за ўзровень папярэдняга перыяду (99,1 працэнта).

У поўным аб'ёме выкарыстанне сродкаў асвоілі толькі 10 з 31 галоўнага распарадчыка (атрымальніка) сродкаў бюджэту, у асноўным на тэрыторыі Расіі.

У 2019 годзе рэалізоўваліся 12 саюзных праграм, тры праекты і 24 мерапрыемствы. Асноўная частка расходаў прадугледжана якраз на праграмы (65,1 працэнта ўсяго аб'ёму), па іх выкананне расходаў склалася нядрэнна - на ўзроўні апошніх трох гадоў (98,9 працэнта паказчыка ўдакладненага роспісу).

Касавае выкананне па рэалізацыі трох праектаў склала 391 млн расійскіх рублёў (93,3 працэнта паказчыка ўдакладненага роспісу).

Па 24 мерапрыемствах расходы склалі 1,225 млрд расійскіх рублёў і былі ніжэйшыя, чым у 2018 годзе (97,7 працэнта супраць 99,2 працэнта). Толькі па пяці мерапрыемствах бюджэтныя назначэнні выкананы ў поўным аб'ёме.

З 2018 года зніжаецца памер астаткаў сродкаў мінулых гадоў: яны накіроўваюцца на фінансаванне новых праграм, праектаў і мерапрыемстваў Саюзнай дзяржавы. На 1 студзеня 2020 года астаткі склалі 770,8 млн расійскіх рублёў, знізіўшыся за год у 3,2 раза.

Гэта аператыўная справаздача накіравана ў Парламенцкі сход Саюза Беларусі і Расіі.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі