28 снежня, Мінск /Кар. БЕЛТА/. У бягучай пяцігодцы ў Беларусі плануецца газіфікаваць каля 300 населеных пунктаў. Аб гэтым расказаў міністр энергетыкі Віктар Каранкевіч, паведамілі БЕЛТА ў прэс-службе Мінэнерга.
Паводле слоў Віктара Каранкевіча, газіфікацыя і электрыфікацыя жылфонду для ацяплення і гарачага водазабеспячэння - узаемадапаўняльныя напрамкі, якія будуць паралельна развівацца для стварэння камфортных умоў пражывання людзей, асабліва ў сельскай мясцовасці.
"У гэтай пяцігодцы плануецца газіфікаваць 300 населеных пунктаў. Гэта работа праводзіцца паралельна рабоце па электрыфікацыі жылфонду для мэт ацяплення і гарачага водазабеспячэння, якая ахопіць 1,5 тыс. населеных пунктаў, - растлумачыў міністр. - Такім чынам, за пяцігодку прыродны газ і электраэнергія дадуць магчымасць павысіць камфортнасць пражывання грамадзян у 1,8 тыс. населеных пунктаў у цэлым па краіне".-0-
