19 снежня, Мінск /Кар. БЕЛТА/. Перагаворы з РФ па цане на газ для Беларусі на 2023 год прадаўжаюцца, канчатковых рашэнняў няма. Аб гэтым заявіў сёння журналістам міністр энергетыкі Віктар Каранкевіч у прэс-цэнтры БЕЛТА.
"У рамках рэалізацыі саюзных праграм беларускі бок своечасова падрыхтаваў прапановы як па фарміраванні цаны на газ для Беларусі на 2023 год, так і па прынцыпах стварэння аб'яднанага рынку газу Саюзнай дзяржавы. Гэтыя падыходы неаднаразова абмяркоўваліся на ўзроўні экспертаў, прадстаўнікоў зацікаўленых дзяржорганаў і ведамстваў. Гэта значныя пытанні, які закранаюць многія аспекты, знешнія фактары таксама аказваюць пэўны ўплыў. Патрабуецца паглыбленая прапрацоўка гэтых прапаноў, глыбокі аналіз. Пакуль канчатковых рашэнняў няма, перагаворы прадаўжаюцца. Гэтыя пытанні будуць разгледжаны на самым высокім узроўні", - сказаў Віктар Каранкевіч.
Ён таксама адзначыў, што газавая галіна ўносіць важкі ўклад у забеспячэнне надзейнай работа энергетычнага комплексу. У 2022 годзе газазабеспячальнымі арганізацыямі праведзена комплекснае прыборнае абследаванне 8,9 тыс. км падземных газаправодаў, прадыягнаставана 878 км падземных газаправодаў з тэрмінам службы 40 і больш гадоў, адрамантавана 425 газаразмеркавальных пунктаў, заменена амаль 150 тыс. адзінак маральна ўстарэлага бытавога газавага абсталявання, праведзена карэкціроўка і аптымізацыя 50 схем газазабеспячэння. У гэтым годзе ў краіне ўведзена ў эксплуатацыю каля 800 км газаправодаў розных катэгорый, газіфікавана прыродным газам больш як 20 тыс. кватэр і домаўладанняў.-0-
