14 лютага, Віцебск /Алеся Пушнякова - БЕЛТА/. Аб’яднаны рынак электрычнай энергіі Саюзнай дзяржавы фактычна гатовы да першага этапу - гандлю электраэнергіяй паміж упаўнаважанымі юрыдычнымі асобамі СД. Аб гэтым на пасяджэнні Камісіі Парламенцкага сходу Саюза Беларусі і Расіі па энергетыцы, якое праходзіць у Віцебску, паведаміў міністр энергетыкі Беларусі Віктар Каранкевіч, перадае карэспандэнт БЕЛТА.
Віктар Каранкевіч адзначыў, што пастаўленыя кіраўнікамі дзвюх дзяржаў задачы выкананы. "Падрыхтаваны, узгоднены і прайшоў унутрыдзяржаўныя працэдуры праект міждзяржаўнага дагавора аб фарміраванні аб’яднанага рынку электрычнай энергіі, якім вызначаюцца паўнамоцтвы органаў дзяржкіравання, удзельнікі рынку і інфраструктурныя арганізацыі, а таксама прынцыпы трансгранічнага гандлю. У мэтах развіцця дагавора будуць зацверджаны правілы функцыянавання рынку. Работа па іх падрыхтоўцы практычна завершана. Фактычна можам гаварыць аб гатоўнасці агульнага рынку электраэнергіі да пачатку першага этапу работы", - расказаў Віктар Каранкевіч.
Кіраўнік Мінэнерга адзначыў, што на гэтым этапе будзе арганізаваны гандаль электраэнергіяй паміж упаўнаважанымі юрыдычнымі асобамі. "На другім этапе з улікам сумеснай работы па фарміраванні аб’яднанага рынку газу і плануемага выраўноўвання цэнавых умоў на газ прадугледжваецца больш глыбокая інтэграцыя ў электраэнергетыцы з пашырэннем суб’ектнага складу ўдзельнікаў рынку, арганізацыяй адзінага тэхналагічнага працэсу аператыўна-дыспетчарскага кіравання. У далейшым аб’яднаны рынак электраэнергіі павінен быць сінхранізаваны з работай агульнага рынку электрычнай энергіі Еўразійскага эканамічнага саюза", - дадаў міністр энергетыкі.
Віктар Каранкевіч падкрэсліў, што фарміраванне аб’яднанага рынку гандлю электраэнергіяй накіравана на стварэнне раўнапраўнага канкурэнтнага асяроддзя, функцыянаванне якога забяспечыць разнастайнасць цэнавых прапаноў для спажыўцоў электраэнергіі. Таксама гэта з’яўляецца стымулам для абнаўлення і развіцця генерыруючых магутнасцей, прыцягнення ў галіну дадатковых інвестыцый.
Міністр адзначыў, што развіццё закладзеных у аснову агульнага рынку электраэнергіі механізмаў будзе садзейнічаць вырашэнню агульных для дзвюх краін задач па забеспячэнні ўстойлівага развіцця энергасістэм, павышэнні надзейнасці энергазабеспячэння спажыўцоў, мінімізацыі магчымых рызык у выпадку ўзнікнення новых ачагоў турбулентнасці на сусветных энергетычных рынках. Далейшая інтэграцыя СД у электраэнергетыцы стане значным укладам у павышэнне канкурэнтаздольнасці нацыянальных эканомік.
"Беларусь і Расія істотна рушылі наперад і ў пытаннях па фарміраванні аб’яднанага рынку прыроднага газу Саюзнай дзяржавы. На ўзроўні ўрадаў і профільных міністэрстваў былі знойдзены развязкі ў тым ліку па найбольш важных пытаннях, якія закранаюць нацыянальныя інтарэсы", - падкрэсліў Віктар Каранкевіч. Ён дадаў, што цана на газ для Беларусі даволі камфортная.
Таксама кіраўнік Мінэнерга адзначыў, што з расійскімі калегамі вызначана стратэгія далейшага супрацоўніцтва - трэба будзе ўзгадніць прынцыпы работы аб’яднанага рынку газу для ўрэгулявання цэнавых і ўмоў гаспадарання суб’ектаў дзвюх краін і перавесці дасягнутыя дамоўленасці ў фактычную плоскасць рэалізацыі.-0-
Віктар Каранкевіч адзначыў, што пастаўленыя кіраўнікамі дзвюх дзяржаў задачы выкананы. "Падрыхтаваны, узгоднены і прайшоў унутрыдзяржаўныя працэдуры праект міждзяржаўнага дагавора аб фарміраванні аб’яднанага рынку электрычнай энергіі, якім вызначаюцца паўнамоцтвы органаў дзяржкіравання, удзельнікі рынку і інфраструктурныя арганізацыі, а таксама прынцыпы трансгранічнага гандлю. У мэтах развіцця дагавора будуць зацверджаны правілы функцыянавання рынку. Работа па іх падрыхтоўцы практычна завершана. Фактычна можам гаварыць аб гатоўнасці агульнага рынку электраэнергіі да пачатку першага этапу работы", - расказаў Віктар Каранкевіч.
Кіраўнік Мінэнерга адзначыў, што на гэтым этапе будзе арганізаваны гандаль электраэнергіяй паміж упаўнаважанымі юрыдычнымі асобамі. "На другім этапе з улікам сумеснай работы па фарміраванні аб’яднанага рынку газу і плануемага выраўноўвання цэнавых умоў на газ прадугледжваецца больш глыбокая інтэграцыя ў электраэнергетыцы з пашырэннем суб’ектнага складу ўдзельнікаў рынку, арганізацыяй адзінага тэхналагічнага працэсу аператыўна-дыспетчарскага кіравання. У далейшым аб’яднаны рынак электраэнергіі павінен быць сінхранізаваны з работай агульнага рынку электрычнай энергіі Еўразійскага эканамічнага саюза", - дадаў міністр энергетыкі.
Віктар Каранкевіч падкрэсліў, што фарміраванне аб’яднанага рынку гандлю электраэнергіяй накіравана на стварэнне раўнапраўнага канкурэнтнага асяроддзя, функцыянаванне якога забяспечыць разнастайнасць цэнавых прапаноў для спажыўцоў электраэнергіі. Таксама гэта з’яўляецца стымулам для абнаўлення і развіцця генерыруючых магутнасцей, прыцягнення ў галіну дадатковых інвестыцый.
Міністр адзначыў, што развіццё закладзеных у аснову агульнага рынку электраэнергіі механізмаў будзе садзейнічаць вырашэнню агульных для дзвюх краін задач па забеспячэнні ўстойлівага развіцця энергасістэм, павышэнні надзейнасці энергазабеспячэння спажыўцоў, мінімізацыі магчымых рызык у выпадку ўзнікнення новых ачагоў турбулентнасці на сусветных энергетычных рынках. Далейшая інтэграцыя СД у электраэнергетыцы стане значным укладам у павышэнне канкурэнтаздольнасці нацыянальных эканомік.
"Беларусь і Расія істотна рушылі наперад і ў пытаннях па фарміраванні аб’яднанага рынку прыроднага газу Саюзнай дзяржавы. На ўзроўні ўрадаў і профільных міністэрстваў былі знойдзены развязкі ў тым ліку па найбольш важных пытаннях, якія закранаюць нацыянальныя інтарэсы", - падкрэсліў Віктар Каранкевіч. Ён дадаў, што цана на газ для Беларусі даволі камфортная.
Таксама кіраўнік Мінэнерга адзначыў, што з расійскімі калегамі вызначана стратэгія далейшага супрацоўніцтва - трэба будзе ўзгадніць прынцыпы работы аб’яднанага рынку газу для ўрэгулявання цэнавых і ўмоў гаспадарання суб’ектаў дзвюх краін і перавесці дасягнутыя дамоўленасці ў фактычную плоскасць рэалізацыі.-0-
