Фота з архіва
10 кастрычніка, Масква /Эдуард Півавар - БЕЛТА/. Беларусь і Расія прадаўжаюць перагаворы па выбудоўванні аб'яднанага рынку газу. Аб гэтым заявіў віцэ-прэм'ер Беларусі Віктар Каранкевіч на Пецярбургскім міжнародным газавым форуме, перадае карэспандэнт БЕЛТА.
Віктар Каранкевіч адзначыў, што адным з пытанняў форуму з'яўляецца абмеркаванне ўзаемадзеяння ў рамках фарміравання агульных рынкаў газу Саюзнай дзяржавы і Еўразійскага эканамічнага саюза. "Іх эфектыўная пабудова і функцыянаванне з'яўляецца важнейшай умовай устойлівага развіцця нацыянальных эканомік. Асабліва гэта актуальна ў бягучых знешнепалітычных рэаліях, а таксама нестабільнасці на сусветных энергетычных рынках", - сказаў ён.
"Галоўны прыярытэт інтэграцыі ў газавай сферы - гэта ўмацаванне энергетычнага суверэнітэту нашых аб'яднанняў, стварэнне новых магчымасцей для іх тэхналагічнага і інфармацыйнага развіцця, а таксама зніжэнне ўздзеяння знешніх фактараў на рэальны сектар эканомік, а адпаведна на якасць і ўзровень жыцця нашых грамадзян", - адзначыў віцэ-прэм'ер.
"Сумеснымі намаганнямі праведзена ўжо маштабная работа па стварэнні неабходных умоў для работы на аб'яднаным рынку Саюзнай дзяржавы. З улікам дамоўленасцей на ўзроўні кіраўнікоў дзяржаў для Беларусі вызначаны цэнавыя ўмовы пастаўкі расійскага прыроднага газу на перыяд 2023-2025 гады. Мы бачым, што ПАТ "Газпрам" - гэта надзейны пастаўшчык прыроднага газу ў Беларусь. З улікам далейшых планаў па паглыбленні беларуска-расійскай інтэграцыі перагаворны працэс таксама прадаўжаецца як па выбудоўванні самой мадэлі аб'яднанага рынку газу, так і па цэнавых умовах пастаўкі прыроднага газу ў Беларусь на наступныя перыяды. І асноўная задача - гэта выраўноўванне ўмоў гаспадарання для суб'ектаў дзвюх краін. Гэта сапраўды складаныя пытанні, але ў кожнага боку ёсць разуменне, зацікаўленасць у пошуку ўзаемапрымальных рашэнняў. Мы рухаемся ў гэтым напрамку", - заявіў Віктар Каранкевіч.-0-
Віктар Каранкевіч адзначыў, што адным з пытанняў форуму з'яўляецца абмеркаванне ўзаемадзеяння ў рамках фарміравання агульных рынкаў газу Саюзнай дзяржавы і Еўразійскага эканамічнага саюза. "Іх эфектыўная пабудова і функцыянаванне з'яўляецца важнейшай умовай устойлівага развіцця нацыянальных эканомік. Асабліва гэта актуальна ў бягучых знешнепалітычных рэаліях, а таксама нестабільнасці на сусветных энергетычных рынках", - сказаў ён.
"Галоўны прыярытэт інтэграцыі ў газавай сферы - гэта ўмацаванне энергетычнага суверэнітэту нашых аб'яднанняў, стварэнне новых магчымасцей для іх тэхналагічнага і інфармацыйнага развіцця, а таксама зніжэнне ўздзеяння знешніх фактараў на рэальны сектар эканомік, а адпаведна на якасць і ўзровень жыцця нашых грамадзян", - адзначыў віцэ-прэм'ер.
"Сумеснымі намаганнямі праведзена ўжо маштабная работа па стварэнні неабходных умоў для работы на аб'яднаным рынку Саюзнай дзяржавы. З улікам дамоўленасцей на ўзроўні кіраўнікоў дзяржаў для Беларусі вызначаны цэнавыя ўмовы пастаўкі расійскага прыроднага газу на перыяд 2023-2025 гады. Мы бачым, што ПАТ "Газпрам" - гэта надзейны пастаўшчык прыроднага газу ў Беларусь. З улікам далейшых планаў па паглыбленні беларуска-расійскай інтэграцыі перагаворны працэс таксама прадаўжаецца як па выбудоўванні самой мадэлі аб'яднанага рынку газу, так і па цэнавых умовах пастаўкі прыроднага газу ў Беларусь на наступныя перыяды. І асноўная задача - гэта выраўноўванне ўмоў гаспадарання для суб'ектаў дзвюх краін. Гэта сапраўды складаныя пытанні, але ў кожнага боку ёсць разуменне, зацікаўленасць у пошуку ўзаемапрымальных рашэнняў. Мы рухаемся ў гэтым напрамку", - заявіў Віктар Каранкевіч.-0-
Падпісвайцеся на нас у
