29 кастрычніка, Мінск /Кар. БЕЛТА/. Беларусь гатова нарошчваць пастаўкі тэхнікі і прадуктаў харчавання ў Сахалінскую вобласць. Аб гэтым заявіў намеснік прэм'ер-міністра Беларусі Віктар Каранкевіч у час сустрэчы з губернатарам Сахалінскай вобласці Валерыем Лімарэнкам, перадае карэспандэнт БЕЛТА.
"Шчыра рады вітаць вас ва ўрадзе Беларусі. У нас ёсць вопыт сумеснай плённай працы, нацэленай на вынік. Гэта ў тым ліку будаўніцтва Беларускай атамнай электрастанцыі. Гатовы абмеркаваць пытанні, якія вас цікавяць, удакладніць перспектыўныя напрамкі. Важна ў поўнай меры задзейнічаць патэнцыял супрацоўніцтва з Сахалінскай вобласцю. Ёсць яшчэ да чаго імкнуцца. Няма сумненняў, што цяперашні візіт замацуе на бліжэйшы перыяд трэнд на збліжэнне і інтэграцыю нашых эканомік", - сказаў Віктар Каранкевіч.
Адным з перспектыўных напрамкаў ён назваў узаемны гандаль і супрацоўніцтва ў прамысловай сферы. "Беларусь мае неабходныя кампетэнцыі і рэсурсы для пастаўкі ў рэгіён кар'ернай, грузавой, камунальнай, лесанарыхтоўчай, дарожна-будаўнічай тэхнікі такіх вытворцаў, як БЕЛАЗ, МАЗ, МТЗ, "АМКАДОР" і іншых. Гэта тэхніка адпавядае сусветным стандартам", - падкрэсліў віцэ-прэм'ер.
БЕЛАЗ у ліпені бягучага года падпісаў з расійскімі партнёрамі пагадненне, якое прадугледжвае пастаўку трох 130-тонных самазвалаў-гібрыдаў, якія выкарыстоўваюць у якасці паліва вадарод, для пачатку іх доследнай эксплуатацыі на Сахаліне.
"Беларускае прадпрыемства прапанавала такую машыну першым з усіх вытворцаў кар'ернай тэхнікі ў свеце, і менавіта Сахалін стане першай пляцоўкай, дзе будзе забяспечана яе доследная эксплуатацыя. Прыемна адзначыць, што доля кар'ернай тэхнікі БЕЛАЗ у рэгіёне складае 94 працэнты. У бягучым годзе ў рэгіён пастаўлена ўжо 11 кар'ерных самазвалаў грузападымальнасцю 220 т. Гатовы забяспечыць ваш аграпрамысловы комплекс трактарнай сельскагаспадарчай тэхнікай, а таксама абсталяваннем для вытворчасці і перапрацоўкі сельгаспрадукцыі. Уся лінейка тэхнікі можа быць пастаўлена з выкарыстаннем дастаткова камфортных фінансавых інструментаў Банка развіцця Беларусі", - адзначыў Віктар Каранкевіч.
У Беларусі таксама ёсць добрыя напрацоўкі ў вытворчасці інавацыйнай тэхнікі і абсталявання - машын для пажарных і надзвычайных фарміраванняў, вахтавых аўтобусаў, мабільных офісаў на базе шасі МАЗ, беспілотных лятальных апаратаў і інш.
Акрамя таго, актуальна ўзаемадзеянне ў сферы пасажырскага транспарту. "З улікам станоўчага вопыту супрацоўніцтва гатовы прадаставіць сучасныя аўтобусы, якія ў тым ліку працуюць на газаматорным паліве, аўтобусы школьнай мадыфікацыі, нізкападлогавыя для забеспячэння безбар'ернага асяроддзя, а таксама электробусы, якія паспяхова эксплуатуюцца і зарэкамендавалі сябе як у Беларусі, так і ў РФ", - дадаў віцэ-прэм'ер.
Ён таксама прапанаваў больш актыўна прыцягваць беларускі завод "Магілёўліфтмаш" для ўдзелу ў конкурсах на набыццё ліфтавага абсталявання.
Яшчэ адзін актуальны напрамак - узаемныя пастаўкі прадуктаў харчавання. "Мы гатовы павялічыць і наменклатуру, і аб'ём пастаўляемых беларускіх харчовых тавараў і зацікаўлены ў прамых пастаўках вашай рыбнай прадукцыі і морапрадуктаў", - зрабіў акцэнт Віктар Каранкевіч.
Беларускі бок бачыць добрыя рэзервы для паглыблення ўзаемадзеяння ў сферы АПК, магчымасці абмену вопытам, тэхналогіямі, спецыялістамі. Віцэ-прэм'ер прапанаваў разгледзець назапашаны вопыт і тэхналогіі ў насенняводстве, падрыхтоўцы прафесійных кадраў у сельскагаспадарчай сферы. Беларусь зацікаўлена ў прадаўжэнні супрацоўніцтва ў частцы камплектавання сельскагаспадарчых комплексаў і малочнатаварных ферм неабходным абсталяваннем. Беларускі бок гатовы забяспечыць патрэбнасці Сахалінскай вобласці ў ветэрынарных прэпаратах, а таксама камбікорме рознага прымянення - для буйной рагатай жывёлы, птушак, рыб.
Акрамя таго, беларускія прадпрыемствы выпускаюць шырокі спектр будаўнічых і аддзелачных матэрыялаў, якія могуць быць выкарыстаны для патрэб будаўнічага комплексу Сахалінскай вобласці.
Супрацоўніцтва развіваецца і ў сферы экалогіі. Беларусь гатова прапанаваць сучасныя тэхналогіі і абсталяванне для водаачысткі, водападрыхтоўкі, водаадвядзення, а таксама для сартавання і перапрацоўкі цвёрдых камунальных адходаў.
"Акрэсленае кола перспектыўных напрамкаў далёка не вычарпальнае. Беларусь зацікаўлена ў стабільнай прысутнасці на рынку Сахалінскай вобласці па ўсіх напрамках супрацоўніцтва. Упэўнены, што па выніках сённяшніх перагавораў мы знойдзем новыя магчымасці і спосабы актывізацыі двухбаковага супрацоўніцтва", - падагульніў Віктар Каранкевіч.
Валерый Лімарэнка праінфармаваў, што Сахалінская вобласць набыла 900 адзінак беларускай тэхнікі за дзевяць гадоў. "Курс мы трымаем на тое, каб увесь аўтамабільны транспарт для пасажыраў быў 100 працэнтаў экалагічна чыстым. Аддаём перавагу транспарту на газу. Вы перамаглі ў конкурсе, мы набылі буйную партыю і далей будзем працаваць і развівацца з вамі", - падзяліўся планамі ён.-0-
"Шчыра рады вітаць вас ва ўрадзе Беларусі. У нас ёсць вопыт сумеснай плённай працы, нацэленай на вынік. Гэта ў тым ліку будаўніцтва Беларускай атамнай электрастанцыі. Гатовы абмеркаваць пытанні, якія вас цікавяць, удакладніць перспектыўныя напрамкі. Важна ў поўнай меры задзейнічаць патэнцыял супрацоўніцтва з Сахалінскай вобласцю. Ёсць яшчэ да чаго імкнуцца. Няма сумненняў, што цяперашні візіт замацуе на бліжэйшы перыяд трэнд на збліжэнне і інтэграцыю нашых эканомік", - сказаў Віктар Каранкевіч.
Адным з перспектыўных напрамкаў ён назваў узаемны гандаль і супрацоўніцтва ў прамысловай сферы. "Беларусь мае неабходныя кампетэнцыі і рэсурсы для пастаўкі ў рэгіён кар'ернай, грузавой, камунальнай, лесанарыхтоўчай, дарожна-будаўнічай тэхнікі такіх вытворцаў, як БЕЛАЗ, МАЗ, МТЗ, "АМКАДОР" і іншых. Гэта тэхніка адпавядае сусветным стандартам", - падкрэсліў віцэ-прэм'ер.
БЕЛАЗ у ліпені бягучага года падпісаў з расійскімі партнёрамі пагадненне, якое прадугледжвае пастаўку трох 130-тонных самазвалаў-гібрыдаў, якія выкарыстоўваюць у якасці паліва вадарод, для пачатку іх доследнай эксплуатацыі на Сахаліне.
"Беларускае прадпрыемства прапанавала такую машыну першым з усіх вытворцаў кар'ернай тэхнікі ў свеце, і менавіта Сахалін стане першай пляцоўкай, дзе будзе забяспечана яе доследная эксплуатацыя. Прыемна адзначыць, што доля кар'ернай тэхнікі БЕЛАЗ у рэгіёне складае 94 працэнты. У бягучым годзе ў рэгіён пастаўлена ўжо 11 кар'ерных самазвалаў грузападымальнасцю 220 т. Гатовы забяспечыць ваш аграпрамысловы комплекс трактарнай сельскагаспадарчай тэхнікай, а таксама абсталяваннем для вытворчасці і перапрацоўкі сельгаспрадукцыі. Уся лінейка тэхнікі можа быць пастаўлена з выкарыстаннем дастаткова камфортных фінансавых інструментаў Банка развіцця Беларусі", - адзначыў Віктар Каранкевіч.
У Беларусі таксама ёсць добрыя напрацоўкі ў вытворчасці інавацыйнай тэхнікі і абсталявання - машын для пажарных і надзвычайных фарміраванняў, вахтавых аўтобусаў, мабільных офісаў на базе шасі МАЗ, беспілотных лятальных апаратаў і інш.
Акрамя таго, актуальна ўзаемадзеянне ў сферы пасажырскага транспарту. "З улікам станоўчага вопыту супрацоўніцтва гатовы прадаставіць сучасныя аўтобусы, якія ў тым ліку працуюць на газаматорным паліве, аўтобусы школьнай мадыфікацыі, нізкападлогавыя для забеспячэння безбар'ернага асяроддзя, а таксама электробусы, якія паспяхова эксплуатуюцца і зарэкамендавалі сябе як у Беларусі, так і ў РФ", - дадаў віцэ-прэм'ер.
Ён таксама прапанаваў больш актыўна прыцягваць беларускі завод "Магілёўліфтмаш" для ўдзелу ў конкурсах на набыццё ліфтавага абсталявання.
Яшчэ адзін актуальны напрамак - узаемныя пастаўкі прадуктаў харчавання. "Мы гатовы павялічыць і наменклатуру, і аб'ём пастаўляемых беларускіх харчовых тавараў і зацікаўлены ў прамых пастаўках вашай рыбнай прадукцыі і морапрадуктаў", - зрабіў акцэнт Віктар Каранкевіч.
Беларускі бок бачыць добрыя рэзервы для паглыблення ўзаемадзеяння ў сферы АПК, магчымасці абмену вопытам, тэхналогіямі, спецыялістамі. Віцэ-прэм'ер прапанаваў разгледзець назапашаны вопыт і тэхналогіі ў насенняводстве, падрыхтоўцы прафесійных кадраў у сельскагаспадарчай сферы. Беларусь зацікаўлена ў прадаўжэнні супрацоўніцтва ў частцы камплектавання сельскагаспадарчых комплексаў і малочнатаварных ферм неабходным абсталяваннем. Беларускі бок гатовы забяспечыць патрэбнасці Сахалінскай вобласці ў ветэрынарных прэпаратах, а таксама камбікорме рознага прымянення - для буйной рагатай жывёлы, птушак, рыб.
Акрамя таго, беларускія прадпрыемствы выпускаюць шырокі спектр будаўнічых і аддзелачных матэрыялаў, якія могуць быць выкарыстаны для патрэб будаўнічага комплексу Сахалінскай вобласці.
Супрацоўніцтва развіваецца і ў сферы экалогіі. Беларусь гатова прапанаваць сучасныя тэхналогіі і абсталяванне для водаачысткі, водападрыхтоўкі, водаадвядзення, а таксама для сартавання і перапрацоўкі цвёрдых камунальных адходаў.
"Акрэсленае кола перспектыўных напрамкаў далёка не вычарпальнае. Беларусь зацікаўлена ў стабільнай прысутнасці на рынку Сахалінскай вобласці па ўсіх напрамках супрацоўніцтва. Упэўнены, што па выніках сённяшніх перагавораў мы знойдзем новыя магчымасці і спосабы актывізацыі двухбаковага супрацоўніцтва", - падагульніў Віктар Каранкевіч.
Валерый Лімарэнка праінфармаваў, што Сахалінская вобласць набыла 900 адзінак беларускай тэхнікі за дзевяць гадоў. "Курс мы трымаем на тое, каб увесь аўтамабільны транспарт для пасажыраў быў 100 працэнтаў экалагічна чыстым. Аддаём перавагу транспарту на газу. Вы перамаглі ў конкурсе, мы набылі буйную партыю і далей будзем працаваць і развівацца з вамі", - падзяліўся планамі ён.-0-
Падпісвайцеся на нас у
