Сцяг Серада, 19 чэрвеня 2024
Усе навіны
Усе навіны
Эканоміка
12 сакавіка 2024, 16:13

Кампаніі з 23 краін купляюць беларускія тавары на БУТБ

Фота з архіва
Фота з архіва
12 сакавіка, Мінск /Кар. БЕЛТА/. Кампаніі з 23 краін купляюць беларускія тавары на Беларускай універсальнай таварнай біржы, паведаміў карэспандэнту БЕЛТА прэс-сакратар БУТБ Раман Яніў.

Паводле даных Беларускай універсальнай таварнай біржы, у бягучым годзе прадукцыю беларускай вытворчасці на біржавых таргах набываюць рэзідэнты 23 краін. У пяцёрку буйнейшых рынкаў збыту ўваходзяць Расія, Кітай, Азербайджан, Узбекістан і Казахстан, разам забяспечваючы каля 90 працэнтаў экспартных продажаў.

Цяпер найбольшым попытам у замежных кліентаў БУТБ карыстаецца прадукцыя сельскай гаспадаркі і дрэваапрацоўчай прамысловасці. У прыватнасці, у Расію актыўна пастаўляецца сметанковае масла, сухое абястлушчанае малако і сыры, Кітай, Азербайджан і Узбекістан пераважна імпартуюць піламатэрыялы, а Казахстан лідзіруе па закупках беларускага цукру. На еўрапейскім рынку традыцыйна запатрабаваны рапсавы алей, бурачныя жамерыны і мелес. Асноўныя пакупнікі гэтых тавараў - кампаніі з краін Балтыі і Швейцарыі.

За студзень - люты 2024 года замежныя ўдзельнікі біржавых таргоў заключылі больш за 1,5 тыс. здзелак па куплі беларускіх тавараў на агульную суму $170 млн. За той жа перыяд мінулага года колькасць здзелак склала 155, а іх сума - $14 млн.

"Паказчыкі біржавога экспарту залежаць ад шэрага фактараў, але, як правіла, асабліва значна на іх уплывае павелічэнне колькасці пакупнікоў-нерэзідэнтаў, адкрыццё новых рынкаў і ўвядзенне дадатковых таварных пазіцый. Высокія тэмпы росту, дасягнутыя ў студзені-лютым, з'яўляюцца вынікам работы, праведзенай у мінулым годзе. У першую чаргу гэта прыцягненне на таргі малога і сярэдняга бізнесу з рэгіёнаў Расіі, адкрыццё прадстаўніцтва біржы ў Шанхаі, пашырэнне сеткі біржавых брокераў у краінах Сярэдняй Азіі, укараненне механізма біржавых адрасных здзелак і актывізацыя супрацоўніцтва з беларускімі дыпмісіямі за мяжой. Дзякуючы гэтым мерапрыемствам удалося не толькі прыкметна нарасціць біржавы тавараабарот на такіх ключавых рынках, як Расія, Кітай і Азербайджан, але і наладзіць пастаўкі беларускай прадукцыі ў Рэспубліку Карэя, Манголію і Венгрыю", - расказалі ў прэс-службе БУТБ.

Па стане на 1 сакавіка 2024 года на БУТБ былі акрэдытаваны 3703 кампаній з Расіі, 167 з Кітая, 116 з Казахстана, 108 з Узбекістана і 100 з Азербайджана.-0-
Падпісвайцеся на нас у
Twitter
Топ-навіны
Свежыя навіны Беларусі