ДЗЯРЖОРГАНЫДЗЯРЖОРГАНЫ
Серада, 19 лютага 2020
Мінск Суцэльная воблачнасць +4°C
Усе навіны
Усе навіны
Эканоміка
16 студзеня 2020, 18:27

Калаур: манетарная і фінансавая стабільнасць - фундамент доўгатэрміновага эканамічнага росту

Павел Калаур. Фота з архіва
Павел Калаур. Фота з архіва

16 студзеня, Мінск /Кар. БЕЛТА/. Манетарная і фінансавая стабільнасць з'яўляецца фундаментам доўгатэрміновага эканамічнага росту. Аб гэтым старшыня праўлення Нацыянальнага банка Павел Калаур заявіў сёння на чарговым пасяджэнні кансультатыўнага савета пры Нацбанку, паведамілі БЕЛТА ва ўпраўленні інфармацыі і грамадскіх сувязей НБ.

Пытанні ўстойлівага эканамічнага развіцця сталі ключавой тэмай пасяджэння. Як адзначыў Павел Калаур, актыўны дыспут па праблематыцы ўстойлівага эканамічнага развіцця вядзецца на розных узроўнях эканамічнай улады, у акадэмічным і экспертным асяроддзі. "Наша агульная мэта - забяспечыць устойлівы эканамічны рост і на яго аснове - павышэнне дабрабыту грамадзян", - падкрэсліў кіраўнік Нацыянальнага банка.

Паводле яго слоў, цяпер, нягледзячы на дадатную дынаміку, тэмп росту нацыянальнай эканомікі застаецца даволі нізкім. Гэта матывуе да пошуку кропак росту і стымулаў, якія забяспечваюць больш хуткае і якаснае эканамічнае развіццё. Задача ўскладняецца знешнім асяроддзем, якое дынамічна змяняецца і фарміруе павышаную нявызначанасць. Для краін з малой адкрытай эканомікай гэта з'яўляецца крыніцай павышаных выклікаў і рызык. Імпарт шокаў можа справакаваць узмацненне ўнутраных праблем і такім чынам аказаць негатыўны ўплыў на эканоміку.

"Відавочна, што праблематыка, якая разглядаецца сёння, патрабуе комплекснага і сістэмнага падыходу. Меры па павышэнні сукупнай эфектыўнасці эканомікі павінны суправаджацца падтрыманнем здаровага і зразумелага макраэканамічнага асяроддзя, у аснове якога - манетарная і фінансавая стабільнасць. Гэта фундамент доўгатэрміновага эканамічнага росту", - адзначыў Павел Калаур.

Пры гэтым ён выказаў надзею, што кансультатыўны савет стане добрай пляцоўкай для серыі дыскусій па такой шматграннай тэме, як забеспячэнне ўстойлівага эканамічнага росту.

Кансультатыўны савет пры Нацбанку з'яўляецца дарадчым органам. Савет створаны ў верасні 2014 года з мэтай прыцягнення шырокага экспертнага патэнцыялу пры распрацоўцы і рэалізацыі грашова-крэдытнай палітыкі, для фарміравання ўмоў устойлівага развіцця банкаўскай і плацежнай сістэм Беларусі. Кансультатыўны савет сфарміраваны з прадстаўнікоў Нацыянальнага банка, банкаў, грамадскіх і навуковых арганізацый.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі