ДЗЯРЖОРГАНЫДЗЯРЖОРГАНЫ
Панядзелак, 19 кастрычніка 2020
Мінск Пераменная воблачнасць +5°C
Усе навіны
Усе навіны
Эканоміка
25 сакавіка 2020, 19:47

Качанава: задача "Камволя" - выпускаць прадукцыю з высокай дабаўленай вартасцю

Наталля Качанава
Наталля Качанава

25 сакавіка, Мінск /Кар. БЕЛТА/. ААТ "Камволь" павінна выпускаць прадукцыю з высокай дабаўленай вартасцю. Важнасць гэтай задачы сёння падкрэсліла старшыня Савета Рэспублікі Наталля Качанава ў час наведвання прадпрыемства, перадае карэспандэнт БЕЛТА.

Наталля Качанава ў якасці ўпаўнаважанага Прэзідэнта па Мінску неаднаразова была на "Камволі". І цяпер, паводле яе слоў, прыехала, каб вывучыць, наколькі тут рушылі наперад у выпуску сучасных высакаякасных тканін. Спікер удзяліла асаблівую ўвагу дызайн-цэнтру "Камволя", яго новым распрацоўкам.

"Кіраўнік дзяржавы даручыў не абмяжоўвацца выпускам прамежкавага прадукту. Размова ішла аб тым, каб распрацоўваць мадэлі і шыць іх з тканіны "Камволя" на самім прадпрыемстве, каб яно атрымлівала прадукцыю з больш высокай дабаўленай вартасцю", - сказала старшыня Савета Рэспублікі.

Наталля Качанава трымае на кантролі выкананне гэтага даручэння. Тут важны ўсе пытанні: ад выпуску якасных тканін на "Камволі", іх продажу ў гандлёвай сетцы да закупкі беларускімі швейнымі прадпрыемствамі для далейшага шыцця гатовых вырабаў.

Кіраўнік дызайн-цэнтра Эльвіра Жвікава расказала, што ён поўнасцю ўкамплектаваны кадрамі і можа выпускаць 250-300 адзінак адзення кожны месяц. Вытворчая праграма на 2020 год уключае 2,6 тыс. вырабаў. Яшчэ 2,4 тыс. будзе пашыта на ўмовах аўтсорсінгу. Дызайнеры ствараюць тканіну, а потым і калекцыю адзення з яе. У планах на бліжэйшую перспектыву - давесці да лагічнага завяршэння праект з новым брэндам мужчынскага адзення (восенню 2019 года на "Камволь" прыязджаў італьянскі тэхнолаг), адкрыць у Мінску магазін.

Але галоўнае, лічаць на прадпрыемстве, - радыкальна змяніць стаўленне да айчыннага адзення, тканін "Камволя", якія, паводле ацэнак дызайнераў, вызначаюцца высокай якасцю.

Цэнтр супрацоўнічае з арганізатарамі рэспубліканскага фестывалю-конкурсу "Млын моды". Эльвіра Жвікава на правах члена журы знаёміцца ​​з калекцыямі маладых дызайнераў. Разглядаецца магчымасць іх стажыровак на базе цэнтра. Тут вельмі зацікаўлены ў тым, каб супрацоўнічаць з моладдзю. Напрыклад, да рэалізацыі праекта "Беларуская хустка" канцэрна "Беллегпрам" прыцягнулі студэнтаў Акадэміі мастацтваў. Яны распрацоўваюць для хустак сучасныя прынты.

Наталля Качанава наведала цэхі ААТ "Камволь", азнаёмілася з тэхналагічнымі працэсамі вытворчасці тканін, паразмаўляла з працоўным калектывам, адказала на пытанні людзей. Цікавілі іх тэмы жылля, забяспечанасці месцамі ў дзіцячых садах, добраўпарадкавання. Не абмінулі ўвагай і пытанні заработнай платы. "Калектыў вельмі добры. Інвестпраект выкананы. Цяпер, як і было ім прадугледжана, трэба выпускаць якасныя сучасныя тканіны па прымальнай цане. Ад гэтага залежыць эфектыўнасць работы і зарплата", - падкрэсліла старшыня Савета Рэспублікі.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі