21 лютага, Мінск /Кар. БЕЛТА/. Кааперацыя паміж Беларуссю і Угандай у сферы сельскай гаспадаркі можа прывесці да істотнага росту вытворчасці прадуктаў харчавання і павелічэння экспарту. Аб гэтым заявіў прэм'ер-міністр Беларусі Раман Галоўчанка ў час перагавораў з Прэзідэнтам Уганды Ёверы Кагута Мусевені, праведзеных у час афіцыйнага візіту кіраўніка беларускага ўрада ў гэту краіну, паведамляе карэспандэнт БЕЛТА.
"Мы вельмі рады быць на гасціннай зямлі Уганды. Удзячны вам за гэта запрашэнне. Гэта сапраўды жамчужына Афрыкі. Хачу перадаць вам самыя цёплыя прывітанні і пажаданні моцнага здароўя ад Прэзідэнта Беларусі Аляксандра Лукашэнкі. Накіроўваючы нашу дэлегацыю ў вашу краіну, Прэзідэнт Беларусі выразна паставіў задачу дасягнуць дамоўленасцей аб шляхах развіцця нашых адносін, у першую чаргу ў эканамічнай сферы", - сказаў Раман Галоўчанка.
Ён падкрэсліў, што праграма Уганды "Бачанне 2040" - рэалістычны і прагрэсіўны план развіцця краіны. "Мы былі б вельмі рады магчымасці ўдзельнічаць у сацыяльна-эканамічным развіцці Уганды. Ва Угандзе цудоўныя ўмовы для сельскай гаспадаркі - прыдатны клімат і ўрадлівыя глебы. У Беларусі не такія спрыяльныя ўмовы, складаны клімат, але тым не менш мы дасягнулі вельмі вялікіх поспехаў у сельскай гаспадарцы. Хацелі б дапамагчы Угандзе рэалізаваць свой сельскагаспадарчы патэнцыял. Мы развіваем вялікія сельскагаспадарчыя праекты з Зімбабвэ. Паміж нашымі краінамі падпісана праграма індустрыялізацыі сельскай гаспадаркі Зімбабвэ. Яна ўключае ў сябе пастаўкі сельскагаспадарчай тэхнікі, прымяненне беларускіх тэхналогій і перапрацоўку прадуктаў харчавання. Мы лічым, што такая кааперацыя ў сферы сельскай гаспадаркі паміж Беларуссю і Угандай можа прывесці да істотнага росту вытворчасці прадуктаў харчавання і павелічэння экспарту", - адзначыў прэм'ер-міністр.
Кіраўнік беларускага ўрада таксама пакінуў запіс у кнізе ганаровых гасцей у State House Entebbe. "Пацвярджаю імкненне Беларусі да далейшага ўмацавання супрацоўніцтва з дружалюбнай Угандай на прынцыпах даверу, раўнапраўя і ўзаемнай павагі, да ўзмацнення палітычных, эканамічных і гуманітарных сувязей на карысць нашых народаў", - напісаў Раман Галоўчанка.
"Мы вельмі рады быць на гасціннай зямлі Уганды. Удзячны вам за гэта запрашэнне. Гэта сапраўды жамчужына Афрыкі. Хачу перадаць вам самыя цёплыя прывітанні і пажаданні моцнага здароўя ад Прэзідэнта Беларусі Аляксандра Лукашэнкі. Накіроўваючы нашу дэлегацыю ў вашу краіну, Прэзідэнт Беларусі выразна паставіў задачу дасягнуць дамоўленасцей аб шляхах развіцця нашых адносін, у першую чаргу ў эканамічнай сферы", - сказаў Раман Галоўчанка.
Ён падкрэсліў, што праграма Уганды "Бачанне 2040" - рэалістычны і прагрэсіўны план развіцця краіны. "Мы былі б вельмі рады магчымасці ўдзельнічаць у сацыяльна-эканамічным развіцці Уганды. Ва Угандзе цудоўныя ўмовы для сельскай гаспадаркі - прыдатны клімат і ўрадлівыя глебы. У Беларусі не такія спрыяльныя ўмовы, складаны клімат, але тым не менш мы дасягнулі вельмі вялікіх поспехаў у сельскай гаспадарцы. Хацелі б дапамагчы Угандзе рэалізаваць свой сельскагаспадарчы патэнцыял. Мы развіваем вялікія сельскагаспадарчыя праекты з Зімбабвэ. Паміж нашымі краінамі падпісана праграма індустрыялізацыі сельскай гаспадаркі Зімбабвэ. Яна ўключае ў сябе пастаўкі сельскагаспадарчай тэхнікі, прымяненне беларускіх тэхналогій і перапрацоўку прадуктаў харчавання. Мы лічым, што такая кааперацыя ў сферы сельскай гаспадаркі паміж Беларуссю і Угандай можа прывесці да істотнага росту вытворчасці прадуктаў харчавання і павелічэння экспарту", - адзначыў прэм'ер-міністр.
Кіраўнік беларускага ўрада таксама пакінуў запіс у кнізе ганаровых гасцей у State House Entebbe. "Пацвярджаю імкненне Беларусі да далейшага ўмацавання супрацоўніцтва з дружалюбнай Угандай на прынцыпах даверу, раўнапраўя і ўзаемнай павагі, да ўзмацнення палітычных, эканамічных і гуманітарных сувязей на карысць нашых народаў", - напісаў Раман Галоўчанка.
Прэм'ер-міністр Беларусі прыбыў з афіцыйным візітам ва Уганду 20 лютага. Адразу пасля прыбыцця ён правёў перагаворы з прэм'ер-міністрам Уганды Рабінай Набанджа.-0-
Фота Віталя Піваварчыка
Падпісвайцеся на нас у
