Аляксандр Гусеў
10 чэрвеня, Мінск /Кар. БЕЛТА/. Беларусь і Варонежская вобласць маюць намер развіваць супрацоўніцтва па шырокім спектры напрамкаў, уключаючы будаўніцтва, кааперацыю ў прамысловасці, узаемныя інвестыцыі і ўзаемадзеянне ў АПК. Усё гэта ў перспектыве дасць магчымасць падвоіць цяперашні тавараабарот і дасягнуць адзнакі $1 млрд. Падрабязнасцямі перагавораў з Прэзідэнтам Беларусі Аляксандрам Лукашэнкам падзяліўся губернатар Варонежскай вобласці Аляксандр Гусеў, перадае карэспандэнт БЕЛТА.
У 2023 годзе тавараабарот з гэтым расійскім рэгіёнам перасягнуў $500 млн. "Добрая лічба, да запаветнага мільярда, як мы і дамаўляліся, трэба імкнуцца, - арыентаваў Прэзідэнт. - Тым больш што ў гэтым годзе захоўваецца нядрэнная дынаміка". Кіраўнік рэгіёна пасля завяршэння сустрэчы падрабязна расказаў, у якіх менавіта сферах ёсць патэнцыял для росту двухбаковага супрацоўніцтва.
У 2023 годзе тавараабарот з гэтым расійскім рэгіёнам перасягнуў $500 млн. "Добрая лічба, да запаветнага мільярда, як мы і дамаўляліся, трэба імкнуцца, - арыентаваў Прэзідэнт. - Тым больш што ў гэтым годзе захоўваецца нядрэнная дынаміка". Кіраўнік рэгіёна пасля завяршэння сустрэчы падрабязна расказаў, у якіх менавіта сферах ёсць патэнцыял для росту двухбаковага супрацоўніцтва.Будаўніцтва
Паводле слоў губернатара, рэгіён у сферы будаўніцтва за апошнія тры гады далёка рушыў наперад. Рэалізаваны шэраг значных для вобласці і горада праектаў, у тым ліку з удзелам Беларусі. Напрыклад, беларускія будаўнікі прымалі ўдзел ва ўзвядзенні самай буйной у Расіі сярэдняй адукацыйнай установы - мегашколы ў Варонежы. Яна разлічана амаль на 3 тыс. вучняў. "Мы яе назвалі "Адукацыйны цэнтр "Садружнасць", падкрэсліваючы якраз узаемадзеянне з беларускімі сябрамі", - расказаў кіраўнік рэгіёна.
У горадзе таксама пабудаваны рэзервовы стадыён для мясцовай футбольнай каманды. Яго здалі ў пачатку чэрвеня і праз месяц чакаюць на адкрыццё каманду з Беларусі. Але гораду патрэбны і вялікі стадыён, паколькі ў Варонежы шмат балельшчыкаў. "У нас горад футбольны. Рашэнне такое аб будаўніцтве стадыёна мы прынялі - на месцы старога стадыёна. Ужо ідзе праектаванне. І я сёння папрасіў Аляксандра Рыгоравіча, каб мы атрымалі ў якасці партнёраў беларускую кампанію "Белбудінжынірынг". Мы іх добра ведаем, яны сябе зарэкамендавалі як выдатныя будаўнікі, якія паказваюць, як трэба працаваць, і нашым варонежскім будаўнікам. Ужо многія арыентуюцца на тэрміны, якасць, якая атрымліваецца ў беларускіх калег", - расказаў Аляксандр Гусеў.
Ён адзначыў, што стадыён плануецца пабудаваць самага сучаснага фармату на 25 тыс. гледачоў і з добрым мультымедыйным напаўненнем.
Сельская гаспадарка і пастаўкі прадуктаў харчавання
Адзін з асноўных напрамкаў у двухбаковым супрацоўніцтве - гэта АПК. Варонежская вобласць - адзін з лідараў вытворчасці сельгаспрадукцыі у Расіі.
Размова ідзе аб развіцці малочнай жывёлагадоўлі з прымяненнем беларускіх тэхналогій. Раней вытворцы ў вобласці шмат у чым былі сарыентаваны на тэхналогіі іншых краін. "Спадзяюся на тое, што вопыт беларускіх калег спатрэбіцца, - сказаў Аляксандр Гусеў. - Вельмі важным напрамкам цяпер з'яўляецца забеспячэнне нашых краін, сельгаставаравытворцаў уласным насенным матэрыялам і жывёламі з высокімі прадукцыйнымі здольнасцямі. Як у мясной, так і ў малочнай жывёлагадоўлі".
Размова ідзе аб развіцці малочнай жывёлагадоўлі з прымяненнем беларускіх тэхналогій. Раней вытворцы ў вобласці шмат у чым былі сарыентаваны на тэхналогіі іншых краін. "Спадзяюся на тое, што вопыт беларускіх калег спатрэбіцца, - сказаў Аляксандр Гусеў. - Вельмі важным напрамкам цяпер з'яўляецца забеспячэнне нашых краін, сельгаставаравытворцаў уласным насенным матэрыялам і жывёламі з высокімі прадукцыйнымі здольнасцямі. Як у мясной, так і ў малочнай жывёлагадоўлі".
Бакі таксама дамовіліся прадаўжаць актыўнае супрацоўніцтва па пастаўцы насення цукровых буракоў у Беларусь. "Мы ўжо раяніруем для Беларусі пэўныя сарты, якія ў нас вырабляюцца. Гатовы сустрэчна закупляць азімы ячмень. Мы пакуль такую форму вырошчвання ячменю не прымянялі", - адзначыў губернатар.
Акрамя таго, рэгіён пастаўляе ўжо ў Беларусь даволі вялікія аб'ёмы мяса і закупляе шмат беларускай малочнай прадукцыі. "Тут таксама сур'ёзныя магчымасці для супрацоўніцтва", - упэўнены Аляксандр Гусеў.
Мультымадальныя цэнтры і авіябудаванне
Губернатар звярнуў асаблівую ўвагу на патэнцыял супрацоўніцтва ў прамысловай сферы, таму што ў гэтым плане бакі пакуль недапрацоўваюць, упэўнены ён.
"Недапрацоўваем у частцы аб'ёмаў. Пакуль толькі ўзаемныя закупкі - гандлёвыя адносіны. Мы закупляем шмат сельскагаспадарчай, камунальнай і пасажырскай тэхнікі на беларускіх прадпрыемствах. Са свайго боку пастаўляем камплектуючыя для беларускіх прадпрыемстваў, - адзначыў кіраўнік рэгіёна. - Але можна было б зрабіць наступныя крокі і пачынаць узаемадзейнічаць на ўмовах кааперацыі. Не толькі нейкімі элементамі выпускаемага абсталявання дапаўняць адзін аднаго, але і, магчыма, уваходзіць у капітал адзін аднаго. Думаю, такія формы таксама можна разглядаць".
Паводле слоў Аляксандра Гусева, такі прыклад ужо ёсць. У асаблівай эканамічнай зоне ў Варонежскай вобласці беларускія партнёры будуюць прадпрыемства экалагічнай накіраванасці. "Добры будзе праект. Спадзяюся, што ў наступным годзе ён ужо будзе працаваць", - сказаў ён.
Вобласць актыўна развівае ў сябе сферу машынабудавання і гатова паглыбляць супрацоўніцтва з Беларуссю. "Дамовіліся аб стварэнні мультымадальных цэнтраў для абслугоўвання беларускай тэхнікі, якая цяпер выкарыстоўваецца на нашай тэрыторыі, і, магчыма, якіх-небудзь зборачных невялікіх вытворчасцей. Тут будзем дапрацоўваць разам з урадам", - заявіў кіраўнік рэгіёна.
Губернатар таксама бачыць магчымасці для ўзаемнага росту аб'ёмаў паставак у сферы радыё- і мікраэлектронікі. Гэты напрамак быў развіты ў Беларусі яшчэ з часоў Савецкага Саюза, і ў Варонежскай вобласці ёсць адпаведныя кампетэнцыі.
Адна з важных перспектыў - самалётабудаванне. Гэта тэма нядаўна падрабязна абмяркоўвалася ў ходзе візіту Аляксандра Лукашэнкі ў Іркуцк, але і варонежцам ёсць што прапанаваць Беларусі ў плане супрацоўніцтва. "У нас таксама вялікае прадпрыемства. Фактычна адно з трох прадпрыемстваў у свеце, якое можа вырабляць шырокафюзеляжныя самалёты. Мы цяпер рыхтуемся да вытворчасці самалётаў меншага фармату, у тым ліку ваенна-транспартных. Спадзяюся, што тут таксама мы зможам якім-небудзь чынам паўзаемадзейнічаць", - заявіў Аляксандр Гусеў.-0-
