ДЗЯРЖОРГАНЫДЗЯРЖОРГАНЫ
Флаг Чацвер, 13 мая 2021
Мінск Суцэльная воблачнасць +9°C
Усе навіны
Усе навіны
Эканоміка
15 мая 2020, 11:52

Яравыя культуры ў Беларусі пасеяны больш як на 95 працэнтах плошчаў

Фота з архіва
Фота з архіва

15 мая, Мінск /Кар. БЕЛТА/. Сяўба ўсіх яравых культур у Беларусі праведзена на больш як 2,4 млн га, што складае 95,6 працэнта запланаваных плошчаў, паведамілі БЕЛТА ў прэс-службе Міністэрства сельскай гаспадаркі і харчавання.

Па стане на 15 мая яравыя культуры пасеяны на плошчы больш за 2,4 млн га, у тым ліку ў Віцебскай вобласці - на 352,4 тыс. га (80,3 працэнта да плана). Завершана сяўба цукровых буракоў (пасеяна 86,5 тыс. га) і пасадка бульбы (22 тыс. га).

Вядзецца сяўба цеплалюбівых паўднёвых культур грэчкі, проса і кукурузы. Сяўба кукурузы ў Беларусі праведзена на больш як 1,1 млн га, або 98,6 працэнта да плана (каля 120 працэнтаў да ўзроўню 2019 года). У Віцебскай вобласці кукуруза пасеяна на плошчы 82,5 тыс. га, або 89,8 працэнта ад плана. У сувязі з размяшчэннем пасеваў кукурузы пасля азімых на зялёны корм, завяршыць сяўбу гэтай культуры плануецца да 25 мая.

Таксама выконваюцца работы па падсеве шматгадовых траў, якія праведзены на 294,7 тыс. га, або больш за 80 працэнтаў, у тым ліку ў Віцебскай вобласці - на 75,6 тыс. га, або 94,7 працэнта ад запланаваных плошчаў.

У сельскагаспадарчых арганізацыях краіны завершана першая і вядзецца другая падкормка азімых збожжавых і крыжакветных культур азотнымі ўгнаеннямі. Азімыя збожжавыя культуры падкормлены другім следам на больш за 1 млн га, у тым ліку ў Віцебскай вобласці - на 64 тыс. га. Другая падкормка азімых крыжакветных культур праведзена на плошчы 325 тыс. га, у Віцебскай вобласці - на 21 тыс. га.

У цэлым па Беларусі пры плане назапашання мінеральных угнаенняў пад яравую сяўбу ў аб'ёме больш за 1,2 млн т (у дзеючым рэчыве) назапашана 822,7 тыс. т (65,5 працэнта ад патрэбнасці і 114 працэнтаў да ўзроўню мінулага года).

Для правядзення веснавых палявых работ у сельгасарганізацыях маецца 39 тыс. трактароў, у тым ліку 6,5 тыс. энерганасычаных, 1,8 тыс. збожжавых сеялак, 3,4 тыс. камбінаваных глебаапрацоўчых-пасяўных агрэгатаў і 2,6 тыс. кукурузных сеялак.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі