15 верасня, Масква /Эдуард Півавар - БЕЛТА/. Якасць беларускай прадукцыі не дасць шанцаў рэалізаваць заклікі апазіцыі да эканамічнага сабатажу. Такое меркаванне ў гутарцы з карэспандэнтам БЕЛТА выказаў дацэнт кафедры палітычнай тэорыі МДІМА Кірыл Коктыш.
"Заклікі да эканамічнага сабатажу не маюць шанцаў рэалізавацца па той простай прычыне, што беларуская эканоміка экспартна арыентаваная, - сказаў Кірыл Коктыш. - Да таго ж беларусы заўсёды былі патрыётамі сваёй прадукцыі з-за яе якасці і цэн. І калі параўноўваць беларускую прадукцыю з якой-небудзь іншай, то яна сама па сабе стымулюе патрыятызм. Таму байкот не атрымаецца".
У параўнанні з гэтымі заклікамі больш небяспечнымі, на думку эксперта, з'яўляюцца пратэсныя акцыі. "Пратэсты ў Беларусі - вельмі небяспечны феномен, які кіруецца адным Telegram-каналам. Натоўп заўсёды неразумны і пад высокім эмацыянальным градусам здольны тэарэтычна на ўсё што заўгодна", - падкрэсліў палітолаг.
Знізіць эмацыянальны градус незадаволенасці, лічыць Кірыл Коктыш, можа ўжо аб'яўленая кіраўніцтвам Беларусі ідэя аб правядзенні канстытуцыйнай рэформы. "Канстытуцыйная трансфармацыя можа даць магчымасць спусціць эмацыянальнае напружанне і канвертаваць палітычны працэс у стабільнае інстытуцыянальнае рэчышча, - адзначыў ён. - Таму што за апошнія 200 гадоў не было ні аднаго выпадку правядзення рэформ на вуліцы, любыя перамены адбываюцца за кошт спакойнай, разумнай інстытуцыянальнай трансфармацыі".-0-