16 красавіка, Мінск /Кар. БЕЛТА/. Як беларускія банкі плануюць павялічваць аб'ёмы інвестыцыйнага крэдытавання, расказалі журналістам іх прадстаўнікі па выніках нарады ў Нацыянальным банку, перадае карэспандэнт БЕЛТА.
Адзін з галоўных прыярытэтаў для ўсіх беларускіх банкаў на 2025 год - павялічыць інвестыцыйнае фінансаванне рэальнага сектара эканомікі не менш як на 16 працэнтаў.
Намеснік старшыні праўлення Банка развіцця Іна Старавойтава адзначыла, што для Банка развіцця яшчэ ў пачатку года была пастаўлена задача з боку ўрада забяспечыць прырост інвестыцыйнага крэдытавання на камерцыйныя інвестыцыйныя праекты на ўзроўні не ніжэйшым за 20 працэнтаў. "Гэта пры тым, што ў мінулым годзе нам быў даведзены аналагічны паказчык, і была сфарміравана высокая база, ад якой мы павінны цяпер далей прырастаць. Таму задача для нас амбіцыйная, складаная, але выканальная. Партфель Банка развіцця, па якім мы цяпер вядзём актыўнае фінансаванне праектаў, вельмі вялікі і разнапланавы. Ёсць і вялікія інвестыцыйныя праекты па мадэрнізацыі нашых буйных машынабудаўнічых прадпрыемстваў, напрыклад, "Гомсельмаш", БЕЛАЗ. Шэраг вялікіх праектаў рэалізуецца ў нафтахімічным комплексе. Гэта і праект па рэканструкцыі цэха сернай кіслаты на Гомельскім хімічным заводзе, і новая вытворчасць на пляцоўцы "Магілёўхімвалакна" па выпуску ў Беларусі перакісу вадароду і хларату натрыю, і шэраг іншых буйных праектаў", - сказала яна.
Значны ўклад уносяць і невялікія праекты. "Іх шмат, яны таксама эфектыўныя, карыстаюцца нашай падтрымкай. Шэраг такіх праектаў прыпадае на сектар прыватнага бізнесу. Прыватны бізнес цяпер вельмі актыўны. Дзякуючы гэтаму партфелю напрацаваных праектаў мы ўпэўнены ў тым, што даведзеныя паказчыкі будуць выкананы", - падкрэсліла намеснік старшыні праўлення Банка развіцця.
Першы намеснік старшыні праўлення ААТ "ААБ Беларусбанк" Дзмітрый Грышчанкаў зрабіў акцэнт на тым, што задача па павелічэнні інвестыцыйнага крэдытавання ставіцца не першы год ужо. "Цяпер паступова попыт на такія крэдыты ўзрастае. У бягучым годзе мы выдадзім інвестыцыйных крэдытаў на суму больш як Br3 млрд. Глядзім, каб праект быў эфектыўны і акупны. Гэта самае галоўнае. Шмат праходзіць жадаючых узяць крэдыт, але не ўсе праходзяць ацэнку банка. Каб павялічваць аб'ёмы выдачы інвестыцыйных крэдытаў, нам трэба ўдзельнічаць у пэўных праграмах. Мы крэдытуем прадпрыемствы прамысловасці, аграпрамысловага комплексу, энергетычную інфраструктуру. Але самы вялікі акцэнт сёння робіцца на накіраванні сродкаў у рэгіёны. Ёсць праграма "Рэгіянальная ініцыятыва", якая накіравана на тое, каб ствараліся новыя рабочыя месцы, развіваліся канкрэтныя рэгіёны. Там у нас прымяняюцца індывідуальныя стаўкі", - звярнуў увагу ён.
Выканаўчы дырэктар ААТ "Ашчад Банк" Аляксандра Русецкая заявіла, што інвестыцыйнае крэдытаванне і праектнае фінансаванне заўсёды ў фокусе ўвагі банка. "У мінулым годзе наш фокус быў сканцэнтраваны на інвестыцыйных праектах у сферы малога і сярэдняга бізнесу. Гэта прадпрыемствы, якія рэалізуюць смелыя, важныя і цікавыя праекты. Што датычыцца сацыяльна важных тэм, у мінулым годзе мы прафінансавалі Магілёўскі смеццеперапрацоўчы завод. У гэтым годзе рэалізавалі добры інвестыцыйны праект з кампаніяй, якая займаецца вытворчасцю абсталявання ў сферы харчпрама. Задача ў бягучым годзе ўзяць у нашай мацярынскай кампаніі (Ашчадбанка Расіі) усе лепшыя тэхналогіі, лепшыя прадукты, лепшыя падыходы да структуравання інвестыцыйных праектаў. Мы хочам у гэтым годзе пашырыць наш фокус увагі - ахопім не толькі малы і сярэдні бізнес, але і на нашы буйныя прадпрыемствы, гіганты прамысловасці. Цяпер ужо ў нас на разглядзе і структураванні знаходзіцца шэраг здзелак. Гэта капітальныя затраты такіх вялікіх прадпрыемстваў, як БЕЛАЗ, "Беларуськалій", "Гродна Азот". Магчыма, нават у партнёрстве з Банкам развіцця гэтыя інвестыцыйныя праекты будуць рэалізаваны", - падзялілася планамі яна.
Намеснік старшыні праўлення ААТ "Белгазпрамбанк" Канстанцін Кір'янаў адзначыў, што стаяць задачы як па прыцягненні рэсурснай базы для доўгатэрміновага фінансавання, так і па аказанні дапамогі прадпрыемствам у павышэнні інвестыцыйнай актыўнасці. "На нашу думку, паказчыкі даволі складаныя, але ў цэлым выканальныя. У мінулым годзе ў сегменце малога і сярэдняга бізнесу мы дасягнулі 15- працэнтнага прыросту інвестыцыйных крэдытаў. Зыходзячы з бягучых параметраў, спадзяёмся, што задачы выканаем. Першы квартал прайшоў, таму трэба будзе ўзмацніць актыўнасць у астатнія кварталы. Якасць крэдытных партфеляў за апошні год палепшылася як у сегменце суб'ектаў гаспадарання, так і ў сегменце крэдытавання фізічных асоб, таму мы пакуль глядзім даволі аптымістычна. Мы ў асноўным спецыялізуемся на сегменце фінансавання кліентаў малога бізнесу. Ён даволі рознабаковы. Апошні праект, які мы адабралі, датычыўся куплі абсталявання па вытворчасці матаў для малочнатаварных ферм. Іншыя праекты датычыліся паліграфічнага абсталявання, транспартных сродкаў", - праінфармаваў ён.-0-
Адзін з галоўных прыярытэтаў для ўсіх беларускіх банкаў на 2025 год - павялічыць інвестыцыйнае фінансаванне рэальнага сектара эканомікі не менш як на 16 працэнтаў.
Намеснік старшыні праўлення Банка развіцця Іна Старавойтава адзначыла, што для Банка развіцця яшчэ ў пачатку года была пастаўлена задача з боку ўрада забяспечыць прырост інвестыцыйнага крэдытавання на камерцыйныя інвестыцыйныя праекты на ўзроўні не ніжэйшым за 20 працэнтаў. "Гэта пры тым, што ў мінулым годзе нам быў даведзены аналагічны паказчык, і была сфарміравана высокая база, ад якой мы павінны цяпер далей прырастаць. Таму задача для нас амбіцыйная, складаная, але выканальная. Партфель Банка развіцця, па якім мы цяпер вядзём актыўнае фінансаванне праектаў, вельмі вялікі і разнапланавы. Ёсць і вялікія інвестыцыйныя праекты па мадэрнізацыі нашых буйных машынабудаўнічых прадпрыемстваў, напрыклад, "Гомсельмаш", БЕЛАЗ. Шэраг вялікіх праектаў рэалізуецца ў нафтахімічным комплексе. Гэта і праект па рэканструкцыі цэха сернай кіслаты на Гомельскім хімічным заводзе, і новая вытворчасць на пляцоўцы "Магілёўхімвалакна" па выпуску ў Беларусі перакісу вадароду і хларату натрыю, і шэраг іншых буйных праектаў", - сказала яна.
Значны ўклад уносяць і невялікія праекты. "Іх шмат, яны таксама эфектыўныя, карыстаюцца нашай падтрымкай. Шэраг такіх праектаў прыпадае на сектар прыватнага бізнесу. Прыватны бізнес цяпер вельмі актыўны. Дзякуючы гэтаму партфелю напрацаваных праектаў мы ўпэўнены ў тым, што даведзеныя паказчыкі будуць выкананы", - падкрэсліла намеснік старшыні праўлення Банка развіцця.
Першы намеснік старшыні праўлення ААТ "ААБ Беларусбанк" Дзмітрый Грышчанкаў зрабіў акцэнт на тым, што задача па павелічэнні інвестыцыйнага крэдытавання ставіцца не першы год ужо. "Цяпер паступова попыт на такія крэдыты ўзрастае. У бягучым годзе мы выдадзім інвестыцыйных крэдытаў на суму больш як Br3 млрд. Глядзім, каб праект быў эфектыўны і акупны. Гэта самае галоўнае. Шмат праходзіць жадаючых узяць крэдыт, але не ўсе праходзяць ацэнку банка. Каб павялічваць аб'ёмы выдачы інвестыцыйных крэдытаў, нам трэба ўдзельнічаць у пэўных праграмах. Мы крэдытуем прадпрыемствы прамысловасці, аграпрамысловага комплексу, энергетычную інфраструктуру. Але самы вялікі акцэнт сёння робіцца на накіраванні сродкаў у рэгіёны. Ёсць праграма "Рэгіянальная ініцыятыва", якая накіравана на тое, каб ствараліся новыя рабочыя месцы, развіваліся канкрэтныя рэгіёны. Там у нас прымяняюцца індывідуальныя стаўкі", - звярнуў увагу ён.
Выканаўчы дырэктар ААТ "Ашчад Банк" Аляксандра Русецкая заявіла, што інвестыцыйнае крэдытаванне і праектнае фінансаванне заўсёды ў фокусе ўвагі банка. "У мінулым годзе наш фокус быў сканцэнтраваны на інвестыцыйных праектах у сферы малога і сярэдняга бізнесу. Гэта прадпрыемствы, якія рэалізуюць смелыя, важныя і цікавыя праекты. Што датычыцца сацыяльна важных тэм, у мінулым годзе мы прафінансавалі Магілёўскі смеццеперапрацоўчы завод. У гэтым годзе рэалізавалі добры інвестыцыйны праект з кампаніяй, якая займаецца вытворчасцю абсталявання ў сферы харчпрама. Задача ў бягучым годзе ўзяць у нашай мацярынскай кампаніі (Ашчадбанка Расіі) усе лепшыя тэхналогіі, лепшыя прадукты, лепшыя падыходы да структуравання інвестыцыйных праектаў. Мы хочам у гэтым годзе пашырыць наш фокус увагі - ахопім не толькі малы і сярэдні бізнес, але і на нашы буйныя прадпрыемствы, гіганты прамысловасці. Цяпер ужо ў нас на разглядзе і структураванні знаходзіцца шэраг здзелак. Гэта капітальныя затраты такіх вялікіх прадпрыемстваў, як БЕЛАЗ, "Беларуськалій", "Гродна Азот". Магчыма, нават у партнёрстве з Банкам развіцця гэтыя інвестыцыйныя праекты будуць рэалізаваны", - падзялілася планамі яна.
Намеснік старшыні праўлення ААТ "Белгазпрамбанк" Канстанцін Кір'янаў адзначыў, што стаяць задачы як па прыцягненні рэсурснай базы для доўгатэрміновага фінансавання, так і па аказанні дапамогі прадпрыемствам у павышэнні інвестыцыйнай актыўнасці. "На нашу думку, паказчыкі даволі складаныя, але ў цэлым выканальныя. У мінулым годзе ў сегменце малога і сярэдняга бізнесу мы дасягнулі 15- працэнтнага прыросту інвестыцыйных крэдытаў. Зыходзячы з бягучых параметраў, спадзяёмся, што задачы выканаем. Першы квартал прайшоў, таму трэба будзе ўзмацніць актыўнасць у астатнія кварталы. Якасць крэдытных партфеляў за апошні год палепшылася як у сегменце суб'ектаў гаспадарання, так і ў сегменце крэдытавання фізічных асоб, таму мы пакуль глядзім даволі аптымістычна. Мы ў асноўным спецыялізуемся на сегменце фінансавання кліентаў малога бізнесу. Ён даволі рознабаковы. Апошні праект, які мы адабралі, датычыўся куплі абсталявання па вытворчасці матаў для малочнатаварных ферм. Іншыя праекты датычыліся паліграфічнага абсталявання, транспартных сродкаў", - праінфармаваў ён.-0-
Падпісвайцеся на нас у
