24 красавіка, Мінск /Кар. БЕЛТА/. Тэхналогіі не проста мяняюць бізнес-працэсы, а трансфармуюць саму сутнасць фінансавых паслуг. Такое меркаванне выказаў першы намеснік старшыні праўлення Нацыянальнага банка Аляксандр Ягораў на канферэнцыі "Лічбавы банкінг - 2025", паведамляе карэспандэнт БЕЛТА са спасылкай на ўпраўленне інфармацыі і грамадскіх сувязей Нацбанка.
"Мы жывём у эпоху, калі тэхналогіі не проста мяняюць бізнес-працэсы, а трансфармуюць саму сутнасць фінансавых паслуг, ствараюць новыя рынкі і прадвызначаюць правілы канкурэнцыі. Лічбавізацыя - гэта ўжо не пытанне выбару, а неабходнасць. Кліенты чакаюць імгненных, бяспечных, персаналізаваных рашэнняў. Рэгулятар стварае новыя правілы гульні, а канкурэнцыя выходзіць за рамкі традыцыйных ігракоў", - адзначыў Аляксандр Ягораў.
Нацыянальны банк і фінансавыя арганізацыі прадаўжаюць рухацца наперад, укараняць новыя лічбавыя тэхналогіі, нягледзячы на знешнія абставіны, падкрэсліў ён. "Адной з асноўных задач Нацыянальнага банка з'яўляецца забеспячэнне эфектыўнага, надзейнага, бяспечнага функцыянавання банкаўскага сектара і плацежнага рынку. Як паказала практыка, гэта важны складнік эканамічнай бяспекі краіны, а можа, нават і яе неад'емная частка. Але галоўнае - гэта жаданне і ўмовы для зніжэння транзакцыйных выдаткаў бізнесу і росту дабаўленай вартасці ў краіне", - звярнуў увагу першы намеснік старшыні.
Нацыянальны банк удзяляе вялікую ўвагу стварэнню прававога рэгулявання для ўкаранення сучасных тэхналогій на фінансавым рынку, вываду на рынак інавацыйных фінансавых прадуктаў. Пры гэтым важна, каб такое рэгуляванне забяспечвала як укараненне гэтых тэхналогій, так і абарону правоў спажыўцоў, лічыць Аляксандр Ягораў.
У Мінску праходзіць буйнейшае штогадовае мерапрыемства, прысвечанае пытанням развіцця лічбавых фінансавых тэхналогій, - канферэнцыя "Лічбавы банкінг - 2025". У гэтым годзе ў канферэнцыі, якая праводзіцца ўжо 11-ы раз, прымаюць удзел амаль 300 топ-менеджараў і спецыялістаў банкаўскай і фінансавай сферы, прадстаўнікоў IT-кампаній. Галоўныя тэмы для абмеркавання - перспектыўныя напрамкі развіцця плацежнага рынку Рэспублікі Беларусь, выкарыстанне тэхналогій вялікіх даных (Big Data) і штучнага інтэлекту ў банкаўскай і фінансавай сферах.-0-
"Мы жывём у эпоху, калі тэхналогіі не проста мяняюць бізнес-працэсы, а трансфармуюць саму сутнасць фінансавых паслуг, ствараюць новыя рынкі і прадвызначаюць правілы канкурэнцыі. Лічбавізацыя - гэта ўжо не пытанне выбару, а неабходнасць. Кліенты чакаюць імгненных, бяспечных, персаналізаваных рашэнняў. Рэгулятар стварае новыя правілы гульні, а канкурэнцыя выходзіць за рамкі традыцыйных ігракоў", - адзначыў Аляксандр Ягораў.
Нацыянальны банк і фінансавыя арганізацыі прадаўжаюць рухацца наперад, укараняць новыя лічбавыя тэхналогіі, нягледзячы на знешнія абставіны, падкрэсліў ён. "Адной з асноўных задач Нацыянальнага банка з'яўляецца забеспячэнне эфектыўнага, надзейнага, бяспечнага функцыянавання банкаўскага сектара і плацежнага рынку. Як паказала практыка, гэта важны складнік эканамічнай бяспекі краіны, а можа, нават і яе неад'емная частка. Але галоўнае - гэта жаданне і ўмовы для зніжэння транзакцыйных выдаткаў бізнесу і росту дабаўленай вартасці ў краіне", - звярнуў увагу першы намеснік старшыні.
Нацыянальны банк удзяляе вялікую ўвагу стварэнню прававога рэгулявання для ўкаранення сучасных тэхналогій на фінансавым рынку, вываду на рынак інавацыйных фінансавых прадуктаў. Пры гэтым важна, каб такое рэгуляванне забяспечвала як укараненне гэтых тэхналогій, так і абарону правоў спажыўцоў, лічыць Аляксандр Ягораў.
У Мінску праходзіць буйнейшае штогадовае мерапрыемства, прысвечанае пытанням развіцця лічбавых фінансавых тэхналогій, - канферэнцыя "Лічбавы банкінг - 2025". У гэтым годзе ў канферэнцыі, якая праводзіцца ўжо 11-ы раз, прымаюць удзел амаль 300 топ-менеджараў і спецыялістаў банкаўскай і фінансавай сферы, прадстаўнікоў IT-кампаній. Галоўныя тэмы для абмеркавання - перспектыўныя напрамкі развіцця плацежнага рынку Рэспублікі Беларусь, выкарыстанне тэхналогій вялікіх даных (Big Data) і штучнага інтэлекту ў банкаўскай і фінансавай сферах.-0-
Падпісвайцеся на нас у
