18 верасня, Мінск /Кар. БЕЛТА/. З расійскім бокам узгоднены 19 пашпартоў перспектыўных імпартазамяшчальных інвестыцыйных праектаў. Аб гэтым паведаміў на прэс-канферэнцыі, прымеркаванай да Дня машынабудаўніка, намеснік міністра прамысловасці Аляксандр Яфімаў, перадае карэспандэнт БЕЛТА.
Як паведамлялася, пагадненне аб прадастаўленні ўраду Беларусі дзяржаўнага фінансавага крэдыту Расіі ў суме да 105 млрд расійскіх рублёў падпісана ў лістападзе мінулага года.
"Усяго ў нас з расійскімі калегамі на сённяшні дзень узгоднена 19 пашпартоў інвестыцыйных імпартазамяшчальных праектаў з агульным аб'ёмам прыцягнутых фінансавых рэсурсаў з боку РФ у аб'ёме 72 млрд расійскіх рублёў. Работа не спыняецца, і цяпер мы прадаўжаем узгадненне яшчэ больш за 10 імпартазамяшчальных праектаў", - адзначыў Аляксандр Яфімаў.-0-
