![Фота з архіва Фота з архіва](https://blr.belta.by/images/storage/news/with_archive/2024/000021_1720514260_133314_big.jpg)
Фота з архіва
9 ліпеня, Мінск /Кар. БЕЛТА/. Беларуская прамысловасць зацікаўлена прыняць актыўны ўдзел у перспектыўных праектах Шанхайскай арганізацыі супрацоўніцтва. Аб гэтым заявіў міністр прамысловасці Аляксандр Яфімаў у рамках сесіі "Гарызонт - 2035: Шанхайская арганізацыя супрацоўніцтва - вось глабальнай эканомікі" на палях міжнароднай прамысловай выстаўкі "ІНАПРАМ-2024" у Екацярынбургу, паведамілі карэспандэнту БЕЛТА ў прэс-службе Мінпрама.
Аляксандр Яфімаў назваў далучэнне Беларусі да ШАС заканамерным крокам у рэалізацыі прыярытэтаў знешняй палітыкі нашай краіны. Паводле яго слоў, больш як за 20 гадоў з моманту ўтварэння арганізацыя ўмацавалася і стала не толькі ўнікальным шматбаковым механізмам, але і ўплывовым іграком у сістэме міжнародных адносін. Прыярытэты Рэспублікі Беларусь у ШАС застаюцца нязменнымі і цалкам адпавядаюць галоўнаму дакументу арганізацыі - Хартыі ШАС.
"Беларусь нацэлена максімальна выкарыстоўваць свой патэнцыял для дасягнення мэт ШАС. З улікам стратэгічна важнага геаграфічнага становішча нашай краіны мы гатовы ўнесці ўклад у работу арганізацыі, выкарыстоўваючы свой прамысловы, навуковы і транзітны патэнцыял. У частцы прамысловай кааперацыі з партнёрамі па аб'яднанні ў сучасных умовах глабалізацыі сусветнай эканомікі мы выразна бачым важнасць мадэрнізацыі эканамічных сістэм на аснове найноўшых тэхналогій для павышэння канкурэнтаздольнасці прадукцыі на сусветных рынках. У парадку дня ШАС шмат перспектыўных напрамкаў, у якіх беларуская прамысловасць зацікаўлена прыняць актыўны ўдзел", - падкрэсліў міністр.
Ён вітаў запуск у 2024 годзе механізма сустрэч міністраў прамысловасці на пляцоўцы ШАС і выказаў гатоўнасць у далейшым прымаць у ім актыўны ўдзел як новы член арганізацыі. "Беларусь ганарыцца тым, што стала паўнапраўным членам ШАС. Мы маем намер умацоўваць "шанхайскі дух" арганізацыі, заснаваны на прынцыпах узаемнай павагі, роўнасці і салідарнасці", - сказаў на заканчэнне міністр прамысловасці Беларусі.-0-
Аляксандр Яфімаў назваў далучэнне Беларусі да ШАС заканамерным крокам у рэалізацыі прыярытэтаў знешняй палітыкі нашай краіны. Паводле яго слоў, больш як за 20 гадоў з моманту ўтварэння арганізацыя ўмацавалася і стала не толькі ўнікальным шматбаковым механізмам, але і ўплывовым іграком у сістэме міжнародных адносін. Прыярытэты Рэспублікі Беларусь у ШАС застаюцца нязменнымі і цалкам адпавядаюць галоўнаму дакументу арганізацыі - Хартыі ШАС.
"Беларусь нацэлена максімальна выкарыстоўваць свой патэнцыял для дасягнення мэт ШАС. З улікам стратэгічна важнага геаграфічнага становішча нашай краіны мы гатовы ўнесці ўклад у работу арганізацыі, выкарыстоўваючы свой прамысловы, навуковы і транзітны патэнцыял. У частцы прамысловай кааперацыі з партнёрамі па аб'яднанні ў сучасных умовах глабалізацыі сусветнай эканомікі мы выразна бачым важнасць мадэрнізацыі эканамічных сістэм на аснове найноўшых тэхналогій для павышэння канкурэнтаздольнасці прадукцыі на сусветных рынках. У парадку дня ШАС шмат перспектыўных напрамкаў, у якіх беларуская прамысловасць зацікаўлена прыняць актыўны ўдзел", - падкрэсліў міністр.
Ён вітаў запуск у 2024 годзе механізма сустрэч міністраў прамысловасці на пляцоўцы ШАС і выказаў гатоўнасць у далейшым прымаць у ім актыўны ўдзел як новы член арганізацыі. "Беларусь ганарыцца тым, што стала паўнапраўным членам ШАС. Мы маем намер умацоўваць "шанхайскі дух" арганізацыі, заснаваны на прынцыпах узаемнай павагі, роўнасці і салідарнасці", - сказаў на заканчэнне міністр прамысловасці Беларусі.-0-