Сцяг Пятніца, 19 ліпеня 2024
Усе навіны
Усе навіны
Эканоміка
03 чэрвеня 2024, 12:40

ІП з 1 ліпеня абавязаны прадастаўляць падатковыя дэкларацыі ў электронным выглядзе

Фота з архіва
Фота з архіва
3 чэрвеня, Мінск /Кар. БЕЛТА/. У Беларусі з 1 ліпеня для ўсіх індывідуальных прадпрымальнікаў уводзіцца абавязак па прадастаўленні падатковых дэкларацый (разлікаў) у выглядзе электроннага дакумента. Аб гэтым БЕЛТА паведамілі ў Міністэрстве па падатках і зборах.

Як удакладнілі ў міністэрстве, размова ідзе аб дакуменце ў электронным выглядзе з рэквізітамі, што даюць магчымасць устанавіць яго цэласнасць і сапраўднасць, якія пацвярджаюцца прымяненнем сертыфікаваных сродкаў электроннага лічбавага подпісу (ЭЛП) з выкарыстаннем пры праверцы ЭЛП адкрытых ключоў арганізацыі або фізічнай асобы, якія падпісалі гэты электронны дакумент. Такім чынам, індывідуальным прадпрымальнікам неабходна атрымаць сертыфікат адкрытага ключа, выдадзены дзяржаўнай сістэмай кіравання адкрытымі ключамі праверкі электроннага лічбавага подпісу Беларусі (ДзяржСКАК).

У МПЗ звярнулі ўвагу, што пры наяўнасці ідэнтыфікацыйнай карткі (ID-карткі) індывідуальны прадпрымальнік можа працаваць у асабістым кабінеце плацельшчыка і накіроўваць розныя электронныя дакументы без дадатковага выкарыстання атрыбутнага сертыфіката.

ID-картка выдаецца грамадзяніну тэрмінам на 10 гадоў. Адначасова з яе выдачай выпускаецца сертыфікат адкрытага ключа на той жа тэрмін. Для аўтарызацыі ў асабістым кабінеце плацельшчыка з выкарыстаннем ID-карткі спатрэбіцца ўстанавіць і настроіць праграмнае забеспячэнне "Кліенцкая праграма (КП)" (дадатак NTClientSoftware).-0-
Падпісвайцеся на нас у
Twitter
Топ-навіны
Свежыя навіны Беларусі