19 верасня, Мінск /Кар. БЕЛТА/. Пасяджэнне рабочай групы па супрацоўніцтве Беларусі і Краснадарскага края пад старшынствам міністра антыманапольнага рэгулявання і гандлю Аляксея Багданава і намесніка губернатара Краснадарскага края Аляксандра Рупеля адбылося ў Мінску, паведамілі БЕЛТА ў прэс-службе МАРГ.
Бакі абмеркавалі пытанні гандлёва-эканамічнага супрацоўніцтва, у галіне прамысловасці, сельскай гаспадаркі і будаўніцтва.
Завяршылася мерапрыемства цырымоніяй падпісання двухбаковых дакументаў: пратакола сёмага пасяджэння рабочай групы, пагаднення аб устанаўленні дружалюбных адносін паміж Мінскам і Сочы, пратакола аб намерах па ўзаемадзеянні ў сферы інвестыцый паміж адміністрацыяй Краснадарскага края, МТЗ і ТАА "Гандлёвы дом МТЗ-Паўночны Захад", а таксама пратакола аб намерах па ўзаемадзеянні ў сферы інвестыцый паміж адміністрацыяй Краснадарскага края, "Гомсельмашам" і ТАА "Камбайнавы завод "Кубань".-0-
