Сцяг Чацвер, 28 сакавіка 2024
Усе навіны
Усе навіны
Эканоміка
15 кастрычніка 2019, 12:11

Інвестар з ААЭ мае намер рэалізаваць праект па вытворчасці запалак у Паставах

15 кастрычніка, Віцебск /Вольга Багачова - БЕЛТА/. Інвестпраект па вытворчасці запалак плануецца стварыць у Паставах, паведамілі карэспандэнту БЕЛТА ў адміністрацыі СЭЗ "Віцебск".

"Магчымасць рэалізацыі гэтага інвестпраекта прапрацоўвае кампанія з ААЭ. Цяпер ідзе ўзгадненне папярэдніх дакументаў па яе рэгістрацыі ў якасці рэзідэнта СЭЗ "Віцебск". Паралельна вядзецца распрацоўка бізнес-плана", - адзначылі ў адміністрацыі.

Плануецца, што новая вытворчасць размесціцца на свабодных плошчах УП "Завод Беліт". На першым этапе на яго стварэнне накіруюць больш за $3 млн, будзе створана не менш як 25 рабочых месцаў. Увесь аб'ём прадукцыі праектам прадугледжваецца экспартаваць у краіны Афрыкі.

Цяпер на тэрыторыі свабоднай эканамічнай зоны "Віцебск" рэалізуюцца 48 інвестпраектаў, у тым ліку 23 з замежным капіталам з 15 краін свету. У гэтым годзе статус рэзідэнта СЭЗ атрымалі шэсць арганізацый з агульным аб'ёмам заяўленых інвестыцый не менш як $50 млн і плануемым стварэннем каля 260 рабочых месцаў. Да канца года чакаецца яшчэ не менш як тры інвестыцыйныя праекты. Упершыню зарэгістраваны кампаніі з капіталам са Швецыі, Іспаніі і Эстоніі. Аб'ём укладзеных інвестыцый рэзідэнтамі СЭЗ за 9 месяцаў бягучага года склаў Br100,9 млн (121,1 працэнта да аналагічнага перыяду 2018 года). Праекты з найбольш вялікімі ўкладаннямі рэалізуюцца ТАА "Альянспласт", ТАА "Мадэрн-Экспа", ВА "Энергакамплект" і ТАА "Белкаралін".-0-

Падпісвайцеся на нас у
Twitter
Топ-навіны
Свежыя навіны Беларусі